Hyrja e konvojit me ndihma humanitare iraniane në Alepo të Sirisë
Tetor 03, 2017 13:29 Europe/Tirane
Konvoji me ndihma humanitare iraniane ka hyrë sot (e martë) në qytetin sirian Alepo.
Sipas agjencisë së lajmeve IRNA, konvoji përmban ndihma humanitare për qytetarët e Alepos, duke përfshirë 200 ton ndihma ushqimore, prodhime farmaceutike, veshmbathje dhe pajisje shkollore, të cilat shpërndahen në bashkëpunim me Shoqatën e Gjysmëhënës së Kuqe të Sirisë. Më herët, më 20 dhe 26 shtator 2017, dy konvoje me ndihma humanitare iraniane janë dërguar në qytetin Deir Al Zur. Konvoji i parë përfshinte 20 kamionë me ndihma si ushqim, medikamente, veshje etj., që peshonin rreth 1000 ton, ndërsa konvoji i dytë peshonte 40 tonë me ndihma ushqimore, mjekësore, veshmbathje dhe pajisje shkollore.
