Franca nën presion për të pezulluar shitjen e armëve në Izrael
Partitë e opozitës dhe aktivistët i kanë bërë thirrje qeverisë franceze që të rishqyrtojë shitjet e saj të armëve në Izrael, i cili po zhvillon një luftë gjenocidale në Rripin e rrethuar të Gazës.
Ata inkurajuan Parisin të ndjekë shembullin e vendeve të tjera evropiane të cilat kanë pezulluar eksportet e armëve në Izrael për shkak të shqetësimeve për situatën humanitare në terren, raportoi të enjten France 24.
Kompania franceze Eurofarad përballet në Francë me akuza për bashkëpunim në krime lufte kundër palestinezëve. Kompania u ble në 2015 nga Exxelia Technologies.
Trupat izraelite përdorën raketat Eurofarad për të vrarë fëmijët palestinezë të familjes Shuheibar.
Seksioni i specializuar për krimet kundër njerëzimit hapi një hetim mbi dyshimet për "bashkëpunëtim në krime lufte" përpara gjykatës së Parisit ku u morën në pyetje disa anëtarë të familjes Shuheibar.
Rasti i familjes Shuheibar nuk është unik. Kompanitë e tjera franceze të mbrojtjes – përfshirë Dassault, Thalès dhe MBDA – akuzohen për “bashkëpunim në krime lufte” lidhur me shitjet e armëve në Emiratet e Bashkuara Arabe dhe Arabinë Saudite, të cilat kanë kryer agresion në Jemen.
Kompanitë franceze kanë eksportuar armë dhe pajisje me përdorim të dyfishtë në Izrael që mund të përdoret në një kontekst ushtarak.
Kreu i Amnesty International në Francë, Jean-Claude Samouiller, i ka shkruar një letër të hapur presidentit francez Emmanuel Macron, duke i kërkuar atij të pezullojë të gjitha shitjet e armëve dhe pajisjeve ushtarake në Izrael.
