Speciale për zgjedhjet e 13-ta presidenciale (13)

Zgjedhjet pas fitores së Revolucionit Islamik gjithmonë kanë forcuar bazat popullore të Republikës Islamike dhe kanë hapur fushën për aktivitete me shije të reja.

Përvoja e katër dekadave të jetës së Republikës Islamike dhe prania e njerëzve në zgjedhje, konfirmon që sa më shumë njerëz të marrin pjesë në zgjedhje, aq më shumë ndihen efektet e saj në prosperitetin e demokracisë dhe autoritetit të Republikës Islamike.

Pjesëmarrja në zgjedhje padyshim që ka efekte të mëdha, se zgjedhja e zyrtarëve qeveritarë është një nga rezultatet e qenësishme të zgjedhjeve; Por më e rëndësishme është ndikimi i tyre afatgjatë politik, ekonomik dhe social. Në lidhje me këtë, Lideri Suprem i Revolucionit Islamik, në një takim video të fundit me Kryetarin dhe anëtarët e Asamblesë Konsultative Islamike, shpjegoi ato që duhet dhe nuk duhet të bëhen në konkurrencën zgjedhore:  Efekti i rezultateve të zgjedhjeve do të jetë një element me ndikim në jetën e njerëzve dhe të vendit për shumë vite dhe ne shpresojmë që zgjedhjet e 18 qershorit në kundërshtim me dëshirat e armiqve do të jenë një burim nderi, dinjiteti dhe krenarie për Iranin.

Lideri Suprem i Revolucionit, duke iu referuar faktit se armiqtë  që nga fillimi i fitores së Revolucionit, veçanërisht pas ndryshimit të Kushtetutës dhe dorëzimit të detyrave ekzekutive të qeverisë tek Presidenti kanë kundërshtuar zgjedhjet, tha: Në këto 42 vjet, axhenda propagandistike e armiqve ka nisur gjithmonë që para organizmit të zgjedhjeve, ku ata kanë thënë se populli nuk do të marrë pjesë në zgjedhje. Mirëpo pasi populli mori pjesë në zgjedhje, ata pretenduan se zgjedhjet ishin të sajuara dhe gjithashtu kanë pretenduar se personi i zgjedhur si president nuk ka autoritet.

Ajetollah Khamenei, duke theksuar se kjo është axhenda aktuale propagandistike e armikut, shtoi: "Ata po përpiqen të bindin njerëzit që zgjedhjet dhe zgjedhja e një presidenti nuk janë të dobishme". Sidoqoftë, në çdo zgjedhje, njerëzit, me gjithë shijet dhe pikëpamjet e tyre të ndryshme, kanë treguar me votat e tyre se i besojnë dhe mbështesin sistemin politik të zgjedhur prej tyre.

Zgjedhjet në fakt janë kalimi në fazën e ndërtimit të demokracisë dhe shfrytëzimi sa më i madh i kapaciteteve ekzistuese në shoqëri për të çuar përpara çështjet në të gjitha arenat politike,  ekonomike dhe sociale. Prandaj, nuk ka dyshim për domosdoshmërinë e parimit të ekzistencës së zgjedhjeve dhe funksionet e tij pozitive dhe të dobishme. Megjithatë, disa njerëz ngrenë dyshime për domosdoshmërinë ose rëndësinë e pjesëmarrjes së njerëzve në zgjedhje, rrënjët e të cilave kryesisht shkojnë tek disa çështje, si rekordi i pasuksesshëm i disa zyrtarëve të zgjedhur dhe nganjëherë këto pakënaqësi janë të rrënjosura në propagandën negative të armiqve të sistemit.

Pjesëmarrja në zgjedhje dhe vetëvendosja, përveç aspekteve të sipërpërmendura, është e rëndësishme si një e drejtë politike, shoqërore dhe ligjore dhe njihet si themeli i demokracisë. Në sistemin e Republikës Islamike, ajo njihet gjithashtu si një detyrë dhe përgjegjësi fetare. Karakteristikë e çdo të drejte është që mbajtësi i së drejtës duhet ta mbrojë atë dhe të kërkojë të gjitha të drejtat e tij në çdo rast, sepse çdo shpërfillje e saj do të çojë në humbjen e së drejtës.

Duke shprehur vazhdimisht rëndësinë e kësaj çështje, Lideri Suprem ka thënë:   "Kjo (zgjedhja) është e drejtë dhe njëkohësisht detyrë. Është e drejtë e njerëzve tanë të japin mendimin; Kjo është detyra e tyre. Lideri Suprem thekson se të gjithë duhet të vijnë për të marrë pjesë në zgjedhje, pasi kjo pjesëmarrje do të forcojë sistemin e Republikës Islamike dhe do të sigurojë stabilitetin dhe qëndrueshmërinë e tij dhe vendi do të mbetet gjithnjë brenda gardhit të sigurisë së plotë.

Nga ky këndvështrim, prania dhe pjesëmarrja e njerëzve në fushën e zgjedhjeve shton autoritetin dhe aftësinë e vendit përballë kërcënimeve dhe problemeve. Siç është thënë edhe nga Lideri Suprem i Revolucionit; "Zgjedhjet janë shfaqja më e madhe e autoritetit kombëtar", rezultati i së cilës mund të çojë në formimin dhe forcimin e shoqërisë civile, si dhe bazat e nevojshme për përparimin e vazhdueshëm, rritjen dhe prosperitetin e kombit iranian dhe përballjen me të gjitha kërcënimet dhe presionet.

Në Iran, pjesëmarrja në zgjedhje nuk bazohet në kërkesat ligjore, por manifestohet si një detyrë dhe përgjegjësi fetare sociale dhe si një pjesë e të drejtave individuale në shoqëri. Në një nga fjalimet e tij të fundit, Lideri Suprem i Revolucionit Islamik lidhur me disa shqetësime mbi mundësinë e pjesëmarrjes së ulët në zgjedhjet e 18 qershorit tha:  Unë besoj se niveli i pjesëmarrjes së njerëzve nuk ka asnjë lidhje me këtë apo atë emër(kandidati), sepse njerëzit po kërkojnë dikë që ka një menaxhim të fortë, vullnet dhe efikasitet të lartë për të zgjidhur problemet e vendit. Për votuesit nuk ka rëndësi se çfarë titulli apo posti ka ky person ose nga cili fraksion ai është. Sigurisht, kjo mund të jetë e rëndësishme për grupet politike, por nuk është kështu për popullin në përgjithësi.

Ajetollah Khamenei vuri në dukje se: Është e rëndësishme që kandidatët të bindin njerëzit se ata i dinë problemet e shoqërisë, se janë menaxherë, të shkathët dhe të ndershëm dhe se ata kanë aftësinë për të drejtuar vendin.  Në këtë rast, falë Zotit, njerëzit do të jenë të pranishëm në kutitë e votimit me pjesëmarrje sa më të lartë. Ai shtoi: Tani, çështja e menjëhershme dhe kryesore e vendit është ekonomia dhe kandidatët para njerëzve duhet të paraqesin planet dhe programet e tyre për të zgjidhur problemet ekonomike dhe t'i bindin ata se kanë aftësinë për të zgjidhur problemet ekonomike në vend.

Me pjesëmarrje aktive nga njëra anë dhe zgjedhje të bazuara në njohje, vetëdije dhe jo ndjenja emocionale nga ana tjetër, zgjidhen opsionet më të mira për të formuar përfundimisht institucione të forta dhe efikase, ku hallka kryesore e tyre është zgjidhja e problemeve të njerëzve.