Pars Today

Është shumë e rëndësishme që ne të jemi të vetëdijshëm për ngjarjet dhe zhvillimet e së kaluarës. Sepse siç është thënë: “E kaluara është drita e së ardhmes”. Pa i kushtuar vëmendje ngjarjeve dhe zhvillimeve të së kaluarës, nuk është e mundur të hartohet një rrugë e drejtë për të ardhmen dhe në mënyrë të pashmangshme, disa nga gabimet e së shkuarës do të përsëriten dhe traditat dhe praktikat e tyre të sakta dhe të pëlqyera do të të harrohen.

Hyrje

Njohja me historinë dhe veçanërisht me ngjarjet dhe transformimet që kanë ndodhur në të kaluarën e afërt, është shumë e rëndësishme për çdo shoqëri dhe person që planifikon të ndërtojë një të ardhme më të mirë për veten e tij. E njëjta çështje përcakton ndërgjegjësimin për ngjarjet e shekullit të 14-të të kalendarit iranian (i barabartë me 1920 dhe 2020), të cilat ndodhën në fusha të ndryshme, me një shpejtësi mahnitëse. Ky program serial përpiqet të rishikojë ngjarjet më të rëndësishme të këtij shekulli në vitin e fundit të shekullit të 14-të të kalendarit iranian.

Historia njerëzore që nga fillimi ka përjetuar shumë ndryshime në fusha të ndryshme. Në fillim, këto zhvillime u kufizuan në përpjekjet për të siguruar nevojat bazë si ushqimi, veshmbathja dhe strehimi, por gradualisht ato u zgjeruan dhe u diversifikuan, deri në ditët e sotme. Inovacioni shihet në fushën shkencore, artistike, kulturore, politike, sociale, fetare, madje edhe në fusha sportive. Përshpejtimi i progresit dhe transformimit në shkencat dhe teknikat njerëzore ka qenë në rritje dhe ndonjëherë i rëndësishëm nga e kaluara deri në pikën ku 90% e informacionit dhe të dhënave aktuale janë prodhuar vetëm në një ose dy dekadat e fundit, dhe ky informacion ka çuar në transformime të rëndësishme në fusha të tjera të krijuara nga veprimtaria njerëzore. Por kjo është njëra anë e medaljes së zhvillimeve historike të shoqërisë njerëzore. Fatkeqësisht, gjatë shekujve të jetës së njeriut në tokë, ai gjithmonë është goditur nga anomalitë si varfëria, korrupsioni, prostitucioni, diskriminimi, injoranca, besëtytnitë, lufta e të ngjashme. Madje disa njerëz dhe qeveri kanë keqpërdorur shkencën, artin, ekonominë dhe politikën për të kolonizuar dhe dominuar një pjesë të madhe të popujve të tjerë. Me fjalë të tjera, njerëzimi gjatë historisë jo vetëm që nuk ka bërë shumë përparime në aspektin moral, por ka pësuar rënie morale dhe shpirtërore në disa fusha.

Është shumë e rëndësishme që ne të jemi të vetëdijshëm për këto ngjarje dhe ndryshime. Sepse siç është thënë: “E kaluara është drita e së ardhmes”. Pa i kushtuar vëmendje ngjarjeve dhe zhvillimeve të së kaluarës, nuk është e mundur të hartohet një rrugë e drejtë për të ardhmen dhe në mënyrë të pashmangshme, disa nga gabimet e së shkuarës do të përsëriten dhe traditat dhe praktikat e tyre të sakta dhe të pëlqyera do të të harrohen. Kur'ani i shenjtë gjithashtu u ka kërkuar shumë herë besimtarëve myslimanë që të shqyrtojnë gjendjen dhe fatin e kombeve dhe popujve të mëparshëm dhe të marrin mësime nga fati i tyre për të gjetur rrugën drejt lumturisë. Prandaj, njohja me historinë dhe veçanërisht me ngjarjet dhe ndryshimet e ndodhura jo shumë kohë më parë është shumë e rëndësishme për çdo shoqëri dhe person që planifikon të ndërtojë një të ardhme më të mirë për veten e tij.

Historia, udhëzuese e të ardhmes së njeriut

Tani ka kaluar (viti 1400 sipas kalendarit iranian) do të thotë viti i fundit i shekullit të 14-të dhe fillimin e shekullit të 15-të sipas kalendarit iranian, dhe me fjalë të tjera, bazuar në rrotullimin e tokës rreth diellit, kanë kaluar 14 shekuj sipas kalendarit iranian që nga viti i shpërnguljes së të Profetit të nderuar të Islamit s.a.v.s. nga Meka në Medine. Shekulli i 14-të i kalendarit hixhri diellor ose iranian, i cili filloi në vitin 1301 (1922 gregorian) dhe përfundoi në ditën e fundit të vitit 1400 (20 Mars 2022), është shoqëruar me ngjarje të shumta në fusha të ndryshme, me një shpejtësi mahnitëse. Bota ishte ende në shok për shkak të humbjeve dhe dëmeve të mëdha të Luftës së Parë Botërore, kur një luftë shumë më e madhe filloi në Evropë dhe vrau dhjetëra miliona njerëz. Mendohej se me formimin e Kombeve të Bashkuara do të reduktoheshin luftërat dhe gjakderdhjet, por ndodhën shumë luftëra të tjera. Në të njëjtën kohë, frytet e përpjekjeve të disa kombeve për t'u çliruar nga kolonializmi dhe ndikimi i vendeve perëndimore, ishte një nga ngjarjet premtuese në shekullin e 15-të. Me rënien e Bashkimit Sovjetik, edhe republikat e kësaj superfuqie të dikurshme fituan pavarësinë dhe komunizmi pothuajse u harrua. Por pika e kthesës në kërkimin e pavarësisë dhe kërkimin e lirisë ndodhi në mesin e shekullit të 14-të hixhri diellor me ndodhjen e Revolucionit Islamik iranian, i cili pati ndikime të jashtëzakonshme në botën islame dhe bashkësinë ndërkombëtar. Por ngjarja më e dëmshme e këtij shekulli për botën islame ishte vendosja e regjimit të paligjshëm sionist në Palestinë me mbështetjen e Amerikës dhe Anglisë, i cili është bërë burim i shumë konflikteve dhe vuajtjeve dhe problemeve për popullin e këtij vendi dhe për tërë rajonin e Lindjes së Mesme. Gjithashtu, në njëqind vitet e fundit, edhe pse janë bërë përpjekje për unitetin e Umetit Islam, por nuk ka pasur ndonjë rezultat domethënës në këtë drejtim. Një nga arsyet e këtij dështimi ishte shfaqja e grupeve ekstremiste vehabiste dhe tekfiriste si Al-Kaida, Talibanët dhe ISIS.

Përparimi shkencor që kishte filluar me Renesancën në Evropë vazhdoi me një ritëm shumë më të shpejtë në shekullin e 14-të. Në mjekësi, industri, bujqësi, transport, urbanistik, astronautikë dhe në fusha të tjera, janë bërë shpikje dhe risi që kanë sjellë ndryshime të mëdha në jetën e njeriut. Njeriu shkoi në hapësirë ​​për herë të parë, dhe më pas në hënë dhe mars, ai ndërtoi makina të reja, aeroplanë dhe pajisje të komunikimit masiv dita ditës, dhe më në fund, duke shpikur kompjuterin dhe duke përdorur internetin, ai krijoi edhe një kërcim të papritur në fushën e informacionit. Sigurisht, si gjithmonë, shpikjet dhe zbulimet e shkencëtarëve u abuzuan në forma të ndryshme. Amerika përdori teknologjinë e re bërthamore për të ndërtuar një bombë atomike dhe për të vrarë dhjetëra mijëra njerëz të pafajshëm në Japoni. Duke përdorur shkenca të ndryshme, industritë ushtarake deri më tani kanë prodhuar armë të tjera konvencionale dhe të shkatërrimit në masë. Bota e artit ishte gjithashtu shumë dinamike dhe revolucionare në shekullin e 14-të. Lindën lloje të ndryshme të shkollave artistike në fusha të ndryshme, veçanërisht nën ndikimin e mendimeve dhe kushteve të ndryshme shoqërore, kulturore dhe politike; ndërsa disa të tjera filluan të bien. Shpikja dhe zgjerimi i mediave vizive dhe dixhitale, ashtu siç ka ndihmuar në zgjerimin e artit, është kthyer në një mjet në duart e profiterëve për të nxitur anomalitë morale, marrëdhëniet seksuale të shfrenuara, demagogjinë dhe në fund për të përshpejtuar shkatërrimin e familjes. Përkundër kësaj, njerëzit, të zhgënjyer nga kënaqësitë absurde dhe kalimtare të kësaj bote, janë kthyer sërish drejt shpirtërores dhe Zotit, dhe ndërkohë, feja Islame, më shumë se çdo fe dhe shkollë tjetër, ka mundur të tërheqë vëmendjet e njerëzve që kërkojnë të vërtetën, spiritualitetin dhe paqen.

Interneti në botën aktuale ka krijuar zhvillime shumë të mëdha

Në shekullin e 14-të hixhri diellor, pak vende kanë përjetuar ngjarje dhe zhvillime të shumta dhe të rëndësishme si Irani. Ky shekull mund të ndahet në dy pjesë, në monarkinë absolute Pahlavi dhe në Republikën Islamike të Iranit. Në vitet e para të këtij shekulli, mbreti Reza Khan themeloi dinastinë mbretërore Pahlavi dhe sundoi në mënyrë autokratike për 16 vjet. Gjatë periudhës së djalit të tij Muhamed Reza, forcat kombëtare dhe fetare gjatë periudhës së tij të dobësisë ishin në gjendje të kombëtarizonin industrinë e naftës së Iranit, por Amerika dhe Anglia rrëzuan qeverinë kombëtare të Dr. Mossadegh dhe shtypën lëvizjen popullore duke kryer një grusht shteti. Politika e represionit dhe mbytjes, antifetare, properëndimore dhe varësisë e mbretit Muhamed Reza Pahlavi u përball me kritika dhe protesta të ashpra nga Imam Khomejni (ra), dhe me udhëheqjen e tij të mençur, Revolucioni Islamik i popullit iranian arriti fitoren në vitin 1357 (1979). Por së shpejti Amerika dhe qeveritë e tjera perëndimore, interesat e të cilave u rrezikuan nga ky revolucion i madh, i imponuan një luftë tetëvjeçare popullit të Iranit duke e armatosur dhe nxitur Sadam Husejnin, diktatorin e Irakut. Por me udhëheqjen e Imam Khomejnit dhe me trimërinë e rinisë që mbrojti vendin dhe revolucionin, ky komplot dështoi tërësisht edhe pse zgjati disa vite. Në epokën e pasluftës, edhe pse Irani është përballur gjithmonë me sanksionet mizore dhe të paligjshme të Shteteve të Bashkuara të Amerikës dhe të disa shteteve të tjera perëndimore, ai ka ndërmarrë hapa të mëdhenj në drejtim të ndërtimit, përparimit dhe rritjes së fuqisë, dhe tani është një vend me ndikim në rajon dhe në nivel botërore.

Në edicionet e ardhshme do të shqyrtojmë zhvillimet e shekullit 14 të kalendarit iranian që ndodhen në Iran dhe në botë, në fusha të ndryshme në mënyrë që duke marrë mësim nga ngjarjet e hidhura dhe të mira, të ndërtojmë një të ardhme më të mirë.