Pars Today

Ky program flet mbi zbulimet e bëra në librin e tij më të fundit nga njëri prej të larguarve nga trupi administrativ i Donald Trump.

Donald Trump që nga koha e futjes në Shtëpinë e Bardhë nuk ka kaluar qoftë edhe një moment pa qenë në krye të medias së shkruar dhe vizive për shkak të postimeve, deklaratave dhe qëndrimeve të tij polemike. Personaliteti dhe karakteristika e sjelljes së Trump, tregon se ai është një njeri i paparashikueshëm që vepron jashtë normave të moralit dhe politikës dhe kjo e ka bërë Donald Trump presidentin më të diskutuar në Amerikë.

Trump, i cili fitoi eksperiencë të mirë poshtërimi në fushatën elektorale të vitit 2016 duke rrëzuar rivalët republikanë dhe kandidaten demokrate Hillary Clinton, tani po përdor të njëjtën taktikë kundër Joe Biden dhe Camella Harris. Përpjekja e Trump për ta etiketuar Biden si "të përgjumur" vazhdon dhe për këtë qëllim, ai po shfaqen video të montuara mbi Biden, gjatë të cilave kandidati demokrat ra në gjumë gjatë një interviste televizive. Termat e përdorur kundër Biden dhe ekipin e tij deri më tani kanë qenë të përgjumur, të majtë, antisemit, socialist dhe marksist. Një çështje tjetër që republikanët po përdorin këto ditë si një mjet për të minuar rivalin e tyre demokrat, është publikimi i një videoje të Kryetares së Dhomës së Përfaqësuesve Nancy Pelosi në një sallon zbukurimi ku ajo nuk mbante maskë. Çështja u ngrit disa herë gjatë konferencës për shtyp të zëdhënëses së Shtëpisë së Bardhë, fjalimit propagandistik të Trump, si dhe Fox News.

Demokratët nuk kanë qëndruar duarkryq dhe kanë përdorur rrëfimet e avokatit të Trump Michael Cohen dhe figurave të tjera që kanë folur kundër Trump. Michael Cohen, ish-avokati personal i Donald Trump, së fundmi shkroi një libër me titull “Mosbesimi: Historia e Vërtetë e ish Avokatit të Donald Trump”, i cili do të dalë së shpejti. Ky është një libër kujtimesh i Michael Cohen gjatë kohës kur ai punonte me Donald Trump. Ish-avokati i Donald Trump aktualisht po vuan një dënim tre vjet për krime të tilla si mashtrim i Kongresit. Washington Post ka siguruar një kopje të librit të Michael Cohen dhe ka zbuluar pjesë të tij. Ish-avokati personal i Donald Trump që është akuzuar për mashtrime në favor të Donald Trump e ka përshkruar presidentin si një mashtrues, gënjeshtar, ngacmues, racist, agresor dhe manipulues, i cili ka kandituar për president posaçërisht për përfitime financiare personale.

Cohen në librin e tij shkruan: Ndjenjat negative të Trump ndaj Obamës ishin aq të mëdha saqë ai punësoi një njeri të ngjashëm si Obama të paraqitej në një video dhe e pushoi atë nga puna pas poshtërimit simbolik të ish presidentit të parë zezak amerikan. Trump ka një pikëpamje raciste ndaj Nelson Mandela, i cili është heroi kombëtar afrikan në luftën kundër racizmit dhe epërsisë së bardhë. "Pas vdekjes së Mandelës në 2013, Trump bëri vërejtje shumë fyese me fjalë të turpshme për udhëheqësin e ndjerë të Afrikës së Jugut," shkroi Cohen në librin e tij. "Tani i mallkuari Mandela është një tualet, ai nuk ishte aspak një udhëheqës," tha Trump në shprehjen e tij. Cohen shtoi se Trump një herë tha në një deklaratë se "atij t’i tregojnë një vend të drejtuar nga një zezak që nuk është si një pus tualeti. Të gjithë ato janë disa puse  të mallkuara tualeti ". Në librin e tij, Cohen foli mbi rolin e Trump në skandalin e pagimit të një shumë paraje për heshtjen e aktores pornografike që dikur ndikoi shumë në presidencën e tij. Në prag të zgjedhjeve 2016, Trump kishte rënë dakord të paguante $ 130,000 kundrejt heshtjes së një aktoreje pornografike të quajtur Stormy Daniels dhe tani Cohen shkruan, Trump në atë kohë argumentoi se nëse zbulohet kjo marrëdhënie, ai do të duhet t'i paguajë një shumë parash shumë herë më të lartë gruas së tij. Cohen shtoi se Trump më vonë e pagoi atë me "fatura të rreme të aktit të përdorimit".

Cohen nuk është aleati i parë i Trump që shkruan një libër që ekspozon skandalet e Trump dhe ai nuk do të jetë as edhe i fundit. Këto zbulime

përshkruajnë pjesë të mëdha të prapaskenave të politikës amerikane. Megjithëse demokratët i përdorin këto zbulime për propagandë, këto zbulime janë prapaskena të politikës amerikane që u zbuluan gjatë presidencës së Trump. Një temë tjetër e nxehtë këto ditë është përgjigja e Trump ndaj mos kryerjes së vizitës në varrin e viktimave të ushtrisë amerikane gjatë udhëtimit të tij në Francë vitin e kaluar. Disa zyrtarë të administratës Trump tani e kanë pranuar se ai ka poshtëruar në mënyrë të përsëritur veteranët dhe anëtarët e forcave të armatosura, duke i quajtur ata "humbës" dhe "mendjelehtë". Botimi “Atlantik” publikoi një raport mbi vizitën e presidentit amerikan në Francë dy vjet më parë, duke cituar burime pa emër të cilët pretenduan se Donald Trump para se të vizitonte varrezat e ushtarëve amerikanë të vrarë në Luftën e Parë Botërore në Paris, i  kishte quajtur ustharët "humbës" dhe "mendjelehtë". Sipas Atlantic, Trump nuk ishte i gatshëm të kryente vizitën në varreza për shkak të shiut dhe mundësisë se flokët e tij mund të lageshin dhe të çrregulloheshin, dhe vizita përfundimisht u anulua për shkak të motit të pafavorshëm në Paris.  

Një nga çështjet kryesore në këtë periudhë të zgjedhjeve presidenciale të SHBA është virusi korona dhe paaftësia e administratës Trump për të menaxhuar situatën e sëmundjes. Sipas sondazhit të fundit nga Instituti i Vlerësimit të Shëndetit në Universitetin e Uashingtonit, numri i vdekjeve nga virusi korona gjatë muajve të fundit të vitit do të arrijë në 410,000 sidomos në muajt e vjeshtës dhe dimrit. Deri më tani, gati 200,000 amerikanë kanë vdekur nga virusi Korona. Numri i njerëzve të infektuar me virusin korona në Amerikë arrin më shumë se gjashtë milion e gjysmë.

Për Trump, zbulimi i një vaksine kundër koronavirusit është thelbësor në këtë situatë të krijuar në vend dhe kjo mund të jetë karta e tij fituese në zgjedhjet e 3 nëntorit. Kjo është arsyeja pse presidenti amerikan po bën presion ndaj zyrtarëve shëndetësorë që përpara zgjedhjeve të fusin vaksinën në treg në çfarëdo rrethane, madje edhe duke shkurtuar kohën që duhet për ta testuar vaksinën. Por sondazhet tregojnë se Trump nuk i përmbushi pritjet e tij nga zbulimi i vaksinës Korona. Rezultatet e një sondazhi të ri nga Instituti Yoga tregojnë se skepticizmi i amerikanëve për marrjen e një vaksine efektive gjatë këtij viti, është rritur. Dy të tretat e anketuesve amerikanë thonë se nëse vaksina është gati këtë vit, gjëja e parë për të cilën ata mendojnë është se vaksina është e përshpejtuar dhe se ajo është prodhuar pa testimin e nevojshëm. Në këtë periudhë të zgjedhjeve amerikane, është ngritur një çështje që në zgjedhjet e mëparshme ishte tërhequr më pak nga niveli i mediave dhe shtabeve elektorale. Ajo është çështja e mashtrimit dhe manipulimit zgjedhor. Sipas sondazheve të fundit, kandidati demokrat Joe Biden është kandidati kryesor në zgjedhjet presidenciale të SHBA me rreth dhjetë përqind më shumë përkrahës se rivali tij. Trump, i cili po sheh se shanset e tij për fitore janë duke u zvogëluar, ka shprehur vazhdimisht dyshime për mundësinë e mashtrimit zgjedhor. Nga ana tjetër, demokratët janë të shqetësuar për pranimin e rezultateve të zgjedhjeve nga Donald Trump. Senatori Bernie Sanders, i cili garoi në zgjedhjet paraprake të Demokratëve, paralajmëroi se Donald Trump mund të mos pranojë rezultatin nëse ai humb zgjedhjet e Nëntorit. "Nuk ka të bëjë vetëm me spekulime të pakuptimta", deklaroi senatori i Vermontit Bernie Sanders për Politico pasi sipas tij Trump ka thënë se "E vetmja mënyrë që ata mund të na e marrin pushtetin është që të kemi zgjedhje të manipuluara". Ai tani po bën të tilla vërejtje në një kohë kur pothuajse çdo sondazh sugjeron se ai është prapa kandidatit demokrat. Sanders vazhdoi duke përmendur atë që Trump tha muajin e kaluar në Kongresin Kombëtar Republikan. "Unë duhet të shoh dhe nuk do të përgjigjem po ose jo," tha Trump në një intervistë me Fox News në korrik në përgjigje të një pyetje nëse ai do të pranonte rezultatet e zgjedhjeve të nëntorit. "Trump është i gatshëm të bëjë gjithçka, madje edhe të fillojë një luftë për të fituar përsëri zgjedhjet presidenciale të SHBA 2020," tha Michael Cohen, ish-avokati i Trump për NBC News. Cohen në përgjigje të pyetjes së një gazetari nëse mendon se Trump mund të fitojë përsëri zgjedhjet, tha se Trump do të bënte gjithçka, duke përfshirë edhe manipulimin e kutive të votimit.