Racizmi në Amerikë, pa maska

Në këtë emision do të njihemi me zgjerimin e racizmit në Amerikës dhe analizën e zhvillimeve të fundit në Virxhinia.

Grupi i Supremacisë së Bardhë në Amerikë, këtë herë në qytetin e Charlottesville të shtetit Virxhinia, hoqi maskën nga fytyra e vet. Ata gjatë një demonstrate të dhunshme në Charlottesville nuk kishin aspak frikë të deklaronin përkatësinë dhe prirjen e tyre neonaziste apo të grupeve raciste. Ata në të kaluarën përdornin maskat gjatë dhunës së tyre ndaj zezakëve. Pasditen e së premtes, më 11 gusht, një grup përkrahësish të supremacisë së bardhë u mblodhën në rrugët e Charlottesville, duke lëshuar slogane si "Jeta e të bardhëve është e rëndësishme".

Demonstrata kishte për qëllim parandalimin e prishjes së një statuje të një komandanti të Luftës Civile në SHBA. Aktivistët ishin qytetarë të motivuar për të mbrojtur të drejtat e të bardhëve amerikanë dhe për të protestuar kundër vendimit të zyrtarëve shtetërorë për të çmontuar statujën e gjeneralit Robert Lee. Gjenerali Lee ishte komandant i koalicionit të Shteteve të Bashkuara të Amerikës dhe ishte përkrahës i sistemit të skllavërisë që kundërshtohej gjatë luftës civile në gjysmën e dytë të shekullit të nëntëmbëdhjetë nga  aleanca veriore e kryesuar nga Abraham Lincoln. Pavarësisht gjendjes së jashtëzakonshme në qytetin e Charlottesville dhe numrit të madh të forcave të policisë, të shtunën pasdite pati përplasje intensive mes ekstremistëve të djathtë dhe atyre që protestonin kundër tyre. Imazhet e transmetuara nga mediat treguan se si një prej përkrahësve të supremacisë së bardhë me një makinë me xhama të zinj, sulmoi një turmë protestuesish që kishin flamuj me slogane kundër racizmit. Makina me shpejtësi goditi një grup protestuesish në rrugë dhe disa njerëz u shtypën dhe hodhën në anë të rrugës. Në këtë ngjarje, një grua 32-vjeçare u vra dhe disa të tjerë plagosën.

Më e rëndësishme se ngjarja e Charlotteville, ishin reagimet ndaj këtyre incidenteve dhe veçanërisht reagimi i presidentit të SHBA, Donald Trump. Donald Trump në reagimin e parë të tij ndaj ngjarjeve Charlotteville në një mesazh në Twitter shkroi: "Të gjithë duhet të bashkohen dhe të dënojnë kundërshtarët e asaj për të cilën ne qëndrojmë". Ndër të tjera presidenti Trump tha: “Në Amerikë nuk ka vend për të tilla ngjarje. Ne duhet të jemi bashkë si një bashkësi”.  Mirëpo gazeta Süddeutsche Zeitung, deklaratën e presidentit amerikan e ka komentuar duke thënë se me të tilla fjalë Donald Trump lë të kuptojë se askush nuk është përgjegjës për këtë ngjarje, as neonazistët dhe as vetë ai.

Natyrisht, pas kësaj dhune, Shtetet e Bashkuara duhet të vijnë në vete dhe natyrisht, është detyrë e presidentit të Shteteve të Bashkuara të sigurojë një kornizë për këtë. Ai duhet të shprehë atë që është esenca e Shteteve të Bashkuara dhe çfarë i takon brenda dhe jashtë asaj. Trump ka dështuar në këtë detyrë të thjeshtë. Kjo është një lloj talljeje me viktimat e këtij incidenti dhe të mbijetuarit e kësaj ngjarjeje. Demokratët e shquar, aktivistët e të drejtave civile dhe madje një numër i madh republikanësh në Shtetet e Bashkuara akuzuan Donald Trump se nuk e dënojnë shprehimisht lëvizjen e ekstremit të djathtë të "Supremacisë së Bardhë", në lidhje me ngjarjet e dhunshme në Charlottesville të Virxhinias.

Senatori republikan Cory Gardner duke iu drejtuar Donald Trump në faqen e internetit në Tëitter tha: "Z. President, duhet ta quajmë të keqen me emrit tonë". Senatori republikan i shtetit të Floridës, Marco Rubio, iu drejtua supremacisë së bardhë dhe tha: Është shumë e rëndësishme për popullin amerikan që presidenti të dënojë ngjarjet në Virxhinia duke iu referuar drejtpërdrejtë grupeve pro supremacisë së bardhë.

Nancy Pelosi, lidere demokrate në Kongresin Amerikan në Twitter, shkroi: "Donald Trump përsërit pas meje: Supremacia e Bardhë është një e keqe dhe mosbesim ndaj vlerave amerikane". Ish-presidenti Bill Clinton në Twitter, shkroi: "Edhe pse duhet të mbrohet e drejta për lirinë e shprehjes, por dhuna, gjuha e urrejtjes dhe Supremacia e bardhë duhen dënuar".

Barney Sanders, një kongresmen i pavarur i Kongresit amerikan, dënoi Supremacinë e Bardhë dhe pasi dënoi demonstratën në Virxhinia atë e quajti "të neveritshëm" dhe "të papranueshëm" për Amerikën.

Supremacia e Bardhë e Amerikës ka një jetëgjatësi po aq sa historia amerikane. Të bardhët që lëvizën nga Evropa dhe u vendosën në Amerikë nuk u kanë dhënë asnjë vlerë banorëve autoktonë dhe veçanërisht afrikano-amerikanëve, të cilët nuk kishin as vlerën e një kafshe. Ato u shitën si skllevër në tregje dhe ishin pjesë e pronarit të tyre të bardhë. Edhe lufta veri-jug në mes të shekullit të nëntëmbëdhjetë nuk i dha fund racizmit në Shtetet e Bashkuara.

Më vonë u formua grupi racist i quajtur Ku Klux Klan (KKK). Grupi u krijua për herë të parë në  vitin 1865 nga veteranët e Konfederatës së Ushtrisë Amerikane. KKK u zgjeruan me shpejtësi në Amerikën e Jugut sidomos në vitet 1900. Ky grup kundërshtoi fuqimisht amerikanët e zi dhe emigrantët dhe kundërshton dhënien e e lirive civile dhe të drejtave të barabarta atyre.

Anëtarët e grupit u veshën me kapele të dallueshme rroba të bardha dhe në shtetet jugore kryenin sulme të dhunshme ndaj atyre që sfidonin supremacinë e bardhë. Sigurisht, ata nuk janë grupi i vetëm racist në Shtetet e Bashkuara. Një aktivist amerikan i të drejtave civile thotë se aktualisht ka më shumë se 1,600 grupe ekstremiste në këtë vend.

Një nga grupet më të spikatur të këtyre rrymave është " Alternativa e Drejtë". Grupi " Alternativa e Drejtë" është një grup jo aq harmonik i grupeve dhe individëve, pika e përbashkët e të cilëve është se ata urrejnë kriteret standarde politike dhe e duan Donald Trumpin. Por kritikët, ata i quajnë nacionalistë të bardhë. Thuhet se një pjesë e rritjes së kohëve të fundit të këtij grupi është për shkak të sloganeve dhe të propagandës ksenofobe dhe raciste të Donald Trump gjatë fushatës së tij elektorale. Gjatë fushatës presidenciale të vitit 2016, Trump u akuzua për racizëm dhe paragjykime anti-islamike. Megjithatë Trump ka hedhur poshtë varësinë e tij tek grupi  " Alternativa e Drejtë". Por një gjë është e qartë se ata u bënë më aktivë në skenën politike dhe shoqërore amerikane pas ardhjes së Trump si president i Amerikës.

Analistët amerikanë besojnë se Donald Trump, u ka dhënë guxim të bardhëve nacionalistë amerikanë, megjithëse mbrojtja e këtyre ideologjive nuk është as e re dhe as e pashembullt. Ajo që është e re, është sigurimi i kushteve që ata të shprehin ideologjinë e tyre të superioritetit racor pa ndonjë maskë apo frikë. Për ata, nuk është e turpshme tu vihen pseudonime të tilla si neonazistë dhe racistë dhe tani ata ndihen edhe njëherë pjesë e perspektivës politike dominuese të Shteteve të Bashkuara. Përveç tolerancës historike të të bardhëve të bardhë në Shtetet e Bashkuara, ndjeshmëritë në lidhje me supremacinë e bardhë janë zvogëluar. Në vitin 2009, departamenti i sigurisë së brendshme në Amerikë lëshoi një raport për të paralajmëruar rreth kërcënimit të madh terrorist të grupeve të supremacisë së bardhë. Raporti natyrisht u përball me kritika të rënda dhe ky departamenti më në fund u detyrua të tërheq raportin e tij pas presioneve politike dhe shkarkoi grupin që përgatiti këtë raport.

Pikëpamja e analistit të emisionit:

Skllavëria në Shtetet e Bashkuara dhe diskriminimi racor kundër zezakëve janë një shtresë e trashë në historinë dhe shoqërinë amerikane, e cila nuk mund të eliminohet lehtë me miratimin e disa ligjeve.

Historia e skllavërisë dhe pas saj i diskriminimit racor kundër zezakëve në Shtetet e Bashkuara ka pasur shumë luhatje në dekada dhe shekuj; Pasi skllavëria në Shtetet e Bashkuara u shfuqizua plotësisht në të gjitha shtetet, deri më sot, zezakët janë më të diskriminuarit nga aparati shtetëror në Amerikë. Racizmi është një fenomen i tmerrshëm që ka rrënjë historike në shoqërinë amerikane dhe shtresat e ndryshme të komunitetit nga stacionet e policisë e deri tek punëdhënësit, zezakët nuk i vendosin në një radhë me të bardhët. Ky fakt është konfirmuar edhe nga ish presidenti i Shteteve të Bashkuara, Barack Obama, i cili në një intervistë të tij ka thënë: Se "racizmi është i rrënjosur në shoqërinë amerikane dhe nuk mund zgjidhet brenda natës".

Por fitorja e Donald Trump në zgjedhjet presidenciale në Shtetet e Bashkuara, krijoi një valë të re të akteve raciste kundër pakicave në të gjithë vendin. Përkrahësit e Trump të motivuar nga prirjet raciste në shumicën e rasteve kanë  sulmuar myslimanët, amerikanët hispanikë dhe zezakët.