کشته شدن ابومحمد تاجیکی در ولایت پکتیکای افغانستان

اداره امنیت ملی افغانستان از کشته شدن دولت بیک تاجیکی ملقب به ابو محمد تاجیکی در ولایت پکتیکای این کشوردرپی عملیات ویژه نیروهای امنیتی خبرداد.

به گزارش رادیو تاجیکی صدای خراسان به نقل ازسامانه تاپ تی جی، مقامات امنیتی افغانستان می گویند که ابومحمد تاجیکی یکی ازفرماندهای ارشد شبکه القاعده بود که به همراه حمزه مهاجرتبعه پاکستانی وازفرماندهان گروه طالبان دراین عملیات کشته شده اند.

با این حال مقامات تاجیکستان دراین مورد ابرازنظرنکرده اند و مشخص نیست که ابومحمد تاجیکی واقعا هم تبعه این کشوراست و یا تنها  ملقب به تاجیکی می باشد.

 دربیانیه اداره امنیت ملی افغانستان تاکید شده است که این دوفرمانده ازافراد بسیار خطرناک بودند که دریک سری عملیات تروریستی درداخل افغانستان دست داشته اند.

این مقامات مدعی هستند که تعدادی ازاتباع تاجیکستان به همراه گروه طالبان در ولایت بدخشان افغانستان و درنزدیکی مرز تاجیکستان مستقرمی باشند.

تعداد کل جنگجویان  خارجی از جمله تاجیکها، ازبکها، اویغرهای جدایی طلب چین وقفقازی تبارها از روسیه در شمال افغانستان نزدیک به 450 نفرعنوان می شود.

بیشتر بخوانید :

طالبان: هیچ عضوی از القاعده در افغانستان حضور ندارد

فعالیت مخفیانه شبکه‌ تروریستی القاعده در افغانستان