Сипоҳи посдорон: Қудрати падофандӣ ва офандии Эрон муҳосиботи душманро дарҳам шикаст
Порс-Тудей. Сухангӯи Сипоҳи посдорони инқилоби исломии Эрон бо баёни инки қудрати сахти Ҷумҳурии исломии Эрон қудрати падофандиву офандӣ дар абъоди мухталиф буд, ки тамоми муҳосиботи душманро дарҳам шикаст, гуфт: Қудрати нарми Ҷумҳурии исломӣ низ раҳбарии ҳушмандона, боварҳои динии мардум ва ваҳдати миллӣ буд, ки тавтеаҳои душманро хунсо кард.
Сардор сартипи дувуми посдор Алимуҳаммади Ноинӣ, муовини равобити умумӣ ва сухангӯии Сипоҳи посдорони инқилоби исломӣ, дар бораи ёвагӯии вазири ҷанги режими саҳюнистӣ алайҳи Эрон, изҳор дошт: Ин ёвагӯиҳо бештар ҷанбаи амалиёти равонӣ дорад, аммо Неруҳои мусаллаҳи Ҷумҳурии исломии Эрон ҳатто барои як лаҳза низ аз афзоиши омодагиҳои дифоӣ ғофил нашудаанд.
Сардор Ноинӣ бо ишора ба таҷрибаи муваффақи амалиётҳои ваъдаҳои содиқ ва натоиҷи ҷанги таҳмилии 12 рӯза афзуд: Душман талош мекунад, ки бо эҷоди фазои изтироб, амнияти равонии ҷомеаро мухтал кунад. Ин дар ҳолест, ки ҳам қудрати сахт ва ҳам қудрати нарми Эронро ба хубӣ озмудааст. Сухангӯи сипоҳи посдорон бо баёни инки режими саҳюнистӣ дар ҷанги таҳмилии 12 рӯза мустаъсал шуд, гуфт: Агар амалиёти мушакии Неруҳои мусаллаҳи Эрон бо ҳамон шиддат идома меёфт, имрӯз аз режими саҳюнӣ чизе боқӣ намонда буд.
