Ардуғон : Ташкили кишвари Фаластин бузургтарин ҳаққи миллати Фаластин аст

Порс тудей - Раиси ҷумҳӯри Туркия таъсиси кишвари Фаластинро бузургтарин ҳаққи фаластиниён донист ва бар тақвияти тавофуқи оташбас дар борикаи Ғазза , тазмини амнияти ғайринизомиён ва вуруди кумакҳои башардӯстона ба минтақа таъкид кард.

Раҷаб Тайиб Ардуғон-раиси ҷумҳӯри Туркия рӯзи ҷумъаи пас аз нишасти муштарак бо Поп Лио- раҳбари католикҳои ҷаҳон , бо ишора ба бомбаборони манотиқи ғайринизомӣ аз ҷумла килисоҳову масҷидҳо тавассути режими саҳюнистӣ гуфт : Башарият қарздори миллати Фаластин аст ва бояд адолатро аз тариқи иҷрои роҳкори дукишварӣ барои онҳо таъмин кунад. Ардуғон ҳамчунин таъкид кард, ки масъалаи Фаластин аслитарин муаллифаи дастёбӣ ба сулҳ дар минтақа аст ва мо ҳамчунон пас аз гузашти ду сол , шоҳиди ин воқеияти дарднок ҳастем, ки ҳамлаҳо идома дорад . Вай афзуд : Дар ин ҳамлаҳо беш аз 70 ҳазор нафар аз мардуми Ғазза, ки бештари онон занон ва кӯдакон ҳастанд , ба шаҳодат расидаанд.