Раисӣ: Мардуми Сурия ва минтақа бовар доранд, ки Эрон сутуне мустаҳкам аст

Раиси Ҷумҳурии исломии Эрон гуфт, мардуми Сурия ва минтақа медонанд, ки Эрон сутуне муҳкам аст ва метавон ба Эрон эътимод ва иттико кард.

Сайид Иброҳими Раисӣ, раиси Ҷумҳурии исломии Эрон бомдоди ҷумъа ва пас аз сафари дурӯза ба Сурия, вориди Теҳрон шуд.

Раиси Ҷумҳурии исломии Эрон дар замони вуруд ба Теҳрон дар гуфтугӯ бо хабарнигорон дар ташреҳи натоиҷ ва дастовардҳои сафари расмии дурӯза ва фишурдаи худ ба Сурия гуфт: Баъд аз 12 соли муқовимати мардум ва давлати Сурия дар муқобили тавтеаҳову фитнаҳои душманон ва ҳимоятҳои Ҷумҳурии исломии Эрон аз ин муқовимату истодагӣ, ин сафар аҳамияти болое барои ду кишвар ва минтақа дошт.

Раиси Ҷумҳурии исломии Эрон ин сафарро нуқтаи атфе дар густариши равобити иқтисодӣ, тиҷорӣ, сиёсӣ ва амниятии Эрону Сурияи тавсиф ва тасреҳ кард: Мавзӯи ҳамкорӣ дар заминаи тавлиду тавзеи энержӣ, тасҳили ҳамкориҳои иқтисодиву тиҷорӣ бо таъсиси бонку бимаи муштарак ва ба сифр расондани тарофаҳои тиҷорӣ миёни ду кишвар, тақвияту густариши транзит миёни Эрон, Ироқ ва Сурия, талоши тарафи сурӣ ва мусоидати Эрон барои эҳёи зарфиятҳои кишоварзӣ, санъатӣ ва энержии Сурия пас аз ҷангу тасҳили сафарҳои зиёратӣ миёни ду кишвар, аз ҷумлаи меҳварҳои 15 санади ҳамкорӣ буд, ки миёни ду кишвар ба имзо расид.

Раисӣ ҳамчунин бо ишора ба дидор бо гуруҳҳои мухталифи муқовимат гуфт, имрӯз мардуми Сурия ва минтақа бовар доранд, ки Ҷумҳурии исломии Эрон сутуне мустаҳкаму дарахте тановар бо решаҳое амиқ дар замину шохаҳое баланд дар осмон аст, ки метавонанд ба он иттико ва эътимод кунанд.

Раиси Ҷумҳурии исломии Эрон таъкид кард, ҷабҳаи муқовимат ба ҷараёне мустаҳкаму шикастнопазир табдил шуда, ки муодилотро дар минтақаву ҷаҳон тағйир додааст.