Баргузории нахустин нишасти «CIGEPS» бо ҳузури намояндаи Эрон
Нахустин нишасти ҷаласаи Кумитаи байнидавлатии тарбиятбаданӣ ва варзиши кишварҳои узви ЮНЕСКО (CIGEPS) ба сӯрати бархат ва бо ҳузури намояндаи Ҷумҳурии Исломии Эрон баргузор шуд.
Ба гузориши хабаргузории ИРНА, Муҳаммадҳасани Тақизода, мудири кулли дафтари умури байналмилали вазорати варзишу ҷавонони Эрон гуфт, ҳадаф аз баргузории ин ҷаласа, баррасии иқдомоти аъзои CIGEPS ва кишварҳои узви нозир дар ростои расидан ба аҳдофи таъриф шудааст.
Тақизода изҳор кард, меҳварҳои фаъолиятии ин кумита, аз ҷумла таъсири иҷтимоии варзиш, сармоягузорӣ дар варзиш, варзишу тавонмандсозии ҷавонон, нақши кумита дар баргузории олимпӣ ва паралимпии 2024 Порис ба унвони соли варзишӣ дар дунё, таваҷҷуҳ ба варзиш дар пиёдасозии нақшаи роҳ ва тарҳҳои роҳбурдӣ дар ҳавзаи сиёсатгузориҳои ҷаҳонӣ, таваҷҷуҳ ва баҳрагирӣ аз зарфиятҳои варзишкорони тавонёб, эҷоди пӯёӣ дар экосистемаи варзишу табодули назар дар қолаби мизи гирди муовинон дар хусӯси рӯйкардҳои мухталифи ҳоли ҳозири варзиш дар сатҳ дунё аст.
Дар нишаст Ҷими Писсарро, вазири варзиши Чили ва раиси Кумитаи байни давлатии тарбиятбаданӣ ва варзиши кишварҳои узви ЮНЕСКО, Габриэла Рамос ба унвони дастёри мудири кул дар умӯри иҷтимоӣ ва улуми инсонии ЮНЕСКО дар нишасти ҷаласаи Кумитаи байни давлатии тарбиятбаданӣ ва варзиши кишварҳои узви ЮНЕСКО ( CIGEPS ) ҳузур доштанд.
Ҷаласоти давраии Кумитаи байни давлатии тарбиятбаданӣ ва варзиши кишварҳои узви ЮНЕСКО, ниҳоятан ба баргузории ҷаласаи вазирони кишварҳои узви Кумитаи байни давлатии тарбиятбаданӣ ва варзиши (MINEPS) меанҷомад, ки ин ҷаласа 23 ва 24 июли 2024 ва ҳамзамон бо оғози олимпии 2024 Порис бо ҳузури вазирони варзиши кишварҳои узв баргузор хоҳад шуд.
