Ҳалокату дастгирии 10 террористи дигар дар ҷануби шарқи Эрон
Ҷонишини қароргоҳи Қудси Неруи заминии Сипоҳи посдорони инқилоби исломии Эрон аз ҳалокат ва дастгирии 10 террористи дигар дар устони Систону Балучистон, ҷанубишарқи Эрон хабар дод.
Пас аз шаҳодати даҳ нафар аз ҷонбаркафони полис дар ҳавзаи шаҳристони Тафтон, устони Систону Балучистон, ҳофизони амният бо баргузории размоиши амалиётии шуҳадои амният 6 нафар аз аъзои гурӯҳакҳои террористиро дастгир карданд ва 4 нафар аз террористи ниёбатии душман низ ба ҳалокат расиданд.
Бар асоси ин гузориш, аз ҳафтаи гузашта то кунун дар қолаби размоиши ҳофизони амният дар ҷануби шарқи Эрон 14 нафар аз террористҳо дастгир ва 8 нафар низ ба ҳалокат расидаанд.
Дар пайи нокомии режими саффоки Исроил дар ҷабҳаи муқовимат ва ҳамзамон бо тааддии он режими манҳус ба бархе аз манотиқи Эрони исломӣ, террористҳои муздур шанбеи гузашта (26 октябр) дар иқдоме террористӣ 10 нафар аз маъмурони хидматгузору фидокору ғаюрмардони диловари Неруи интизомии Ҷумҳурии исломии Эронро ноҷавонмардона дар ҳавзаи шаҳристони Тафтони устони Систону Балучистон, ҷанубишарқи Эрон, ба шаҳодат расонданд.
