Ҳаммоми намаки Башрӯё; Ганҷинаи дармонии кавири Эрон дар қалби Хуросони Ҷанубӣ

Порс-Тудей. Дар дили кавири бикри Хуросони Ҷанубӣ, дар шимоли шарқи Эрон , ҷое, ки офтоб бо гармои худ заминро навозиш мекунаду насими мулоим , атри намакро ба машом мерасонад, Ҳаммоми намаки Башрӯё ба унвони як ганҷинаи дармонӣ дар интизори шумо аст.

Хуросони Ҷанубӣ дар шимоли шарқи Эрон, ба унвони сарзаминии хушку кавӣрӣ (биёбон) , зебоиҳои беназириро дар дили худ пинҳон карда аст. Ин устон бо захоири бузурги намаки табиӣ дар бархе манотиқи кавӣриаш, ба як мақсади ҷаззоб барои гардишгарон табдил шудааст . Ҳавзчаҳоу чашмаҳои намакии ин минтақа, монанди ганҷинаҳои сифеду дурахшон, солхои зиёде аст, ки мавриди истифодаи мардуми маҳаллӣ қарори гирифтау хавоси дармонии онҳо ба шӯҳрат расидааст.

Шаҳристони Башрӯё , бо ҷозибаҳои табиӣ ва таърихии фаровон , яке аз мақосиди муҳими гардишгарӣ дар Хуросони Ҷанубӣ аст . Ин шаҳристон бо кавири бикр ва дастнахурда , теппаҳои мосаи зебо, пушиши гиёҳии мутанаввиъу осори таърихии арзишманд , тавониста тавваҷуҳи гардишгарони дохилӣ ва хориҷиро ба худ ҷалб кунад.

Кавири Башрӯё , ки дар ҳудуди 24 километри тӯл ва 30 километр арз дорад , аз шимол ба Кошмар , аз ҷануб ба руди Kолшӯр ва аз  шарқ ба Kавири намаки Башрӯё маҳдуд мешавад . Ин кавир бо теппаҳои шини баланде, ки дорад, фазоии мунҳасир ба фарду  ҷаззоб барои алоқамандон ба табиату моҷароҷӯӣ фароҳам мекунад.

Ҳаммоми намаки Башрӯё ба унвони як маркази дармонӣ , бо истифода аз намакҳои табиӣ ва ғанӣ аз маводи маъданӣ , ба шумо кумак мекунад то аз мушкилоти пӯстӣ аз қабили Экзема ва Илтиҳоби пӯст халос шавед . Ин намакҳо, ки аз дили кавир истихроҷ мешаванд, ба унвони як зиддиуфӯникунанда (дезинфексия)- и табиӣ амал карда, ва ба беҳбуди бемориҳои танаффусӣ монанди Астмау Cинузит низ кумак мекунанд . Нафас гирифтан  дар  ҳавои намакӣ дар ин ҳаммом, шуморо ба дунёии оромишу саломатӣ мебарад.

Аммо ин ҷо фақат як маркази дармонӣ нест; Ин ҷо маҳалле аст, ки шумо бо таркибе аз табиат , саломату фарҳанги маҳаллӣ ошно мешавед . Шаҳристони Башрӯё бо ҷозибаҳои табиӣ ва таърихии фаровон , яке аз мақосиди муҳими гардишгарӣ дар Хуросони Ҷанубӣ  аст . Биёбони беҳамто ва дастнорас, регзорҳо ва осори гаронбаҳои таърихӣ, ҳамау ҳама шуморо ба ин минтақа ҷалб мекунад .