Сарлашкар Ризоӣ: Дар дипломатия ҷиддӣ ҳастем, аммо дар бархӯрд бо мутаҷовуз ҷиддитар

Порс Тудей — Мушовири низомии Раҳбари инқилоби исломӣ тасреҳ кард: «Мардуми Эрон бидонанд дар музокира ҷиддӣ ҳастем, аммо душманон бидонанд, ки дар майдон ва дар дифоъ аз Эрон ҷиддитарем».

Ба гузориши Порс Тудей ба нақл аз ИСНО, Сарлашкар Муҳсин Ризоӣ, мушовири низомии Раҳбари инқилоби исломӣ якшанбешаб дар барномаи «Гуфтугӯи вижаи хабарӣ»-и телевизиони Эрон бо таъкид бар ин ки ҳамлаи Амрико ба Эрон аҳмақона ва муҷримона буд ва ҳамаи ҷаҳонро — аз Амрико то Аврупо ва шарқи Осиё — мутаассир кард, гуфт: «Иштибоҳи бузурги Амрико дар ҳамла ба Эрон, осори мухаррибе бар иқтисоди ҷаҳонӣ гузоштааст ва ҳарчӣ муҳосираи дарёӣ идома пайдо кунад, осори манфии ҷаҳонӣ бештар хоҳад шуд».

Вай ёдовар шуд: «Муҳосира дар масоили низомӣ эълони ҷанг талаққӣ мешавад. Оташбас, яктарафа ва аз сӯи душман аст ва бо ин ҳол ду бор дар иқдом барои убури низомӣ аз Тангаи Ҳурмуз ин оташбас нақз шудааст. Бинобарин Эрон муқобила бо муҳосираро ҳаққи худ медонад. Сабри Эрон ба маънои пазириш нест. Ба артиши Амрико тавсия мекунам қабл аз ин ки Дарёи Умон гӯристони новҳояшон шавад, худашон ақиб бираванд».

Фармондеҳи Сипоҳ дар даврони ҷанги таҳмилии аввал тасреҳ кард: «Агар Амрико бихоҳад роҳи киштиҳои тиҷоратӣ ва нафткашҳоро масдуд кунад, илова бар афзоиши таниш дар бозори нафт, харидорони нафт ҳамчун Чин низ ин вазъро таҳаммул нахоҳанд кард, бинобарин ин муҳосира ба зарари кишварҳои ҷаҳон ва маҳкум ба шикаст аст».

Сарлашкар Ризоӣ дар идома бо ҳушдор нисбат ба мавозеи Имороти Муттаҳидаи Арабӣ тасреҳ кард: «Иморот иштибоҳи бисёр бузурге кард, ки канори режими саҳюнистӣ қарор гирифтааст. Эрон роҳи дӯстиро дар мувоҷиҳаи Иморот набастааст, аммо бояд бидонанд сабри Эрон ҳаде дорад. Иморот набояд дар тавтеа ва дасисаи режими ғосиби саҳюнистӣ гирифтор шавад, чаро ки ҳадафи Натаняҳу, ворид кардани Иморот ба ҷанг аст, то ба Трамп собит кунад, ки ӯ дар минтақа дар ҷанг бо Эрон танҳо нест».

Ризоӣ тасреҳ кард: «Трамп чӣ дар сатҳи ҳуқуқӣ ва сиёсӣ ва чӣ дар сатҳи мардуми Амрико ва ба гувоҳи назарсанҷиҳои мухталифи умумӣ, ҳеҷ гуна машрӯият надорад. Масалан аз Конгресс натавонист муҷаввизи ҷангро бигирад. Дар сатҳи байналмилал низ фоқиди ҳимоят аст ва ҳатто НАТО ва муттаҳидони суннатии Амрико бо Трамп ҳамкорӣ накарданд; қатъномаҳои зиддиэронии онон ҳам мавриди мувофиқат қарор намегирад».