Осмони Эрон бар рӯй парвозҳои қатарӣ боз шуд

Як мақоми масъул дар ширкати фурӯдгоҳҳои Эрон эълом кард: Аз имрӯз тамоми парвозҳои хутути ҳавоии Қатар барои тараддуд ба Африқо ва Аврупо аз осмони Эрон убур хоҳанд кард.

Ба иттилои хабаргузории Меҳр, ин мақоми фурӯдгоҳии Эрон бо ишора ба вазъияти парвозҳои Қатар пас аз чолишҳои ахири ин кишвар бо теъдоде аз кишварҳои арабӣ афзуд: Арабистони Саудӣ, Иморати Муттаҳидаи Араб, Баҳрайн ва Миср осмони худро ба рӯи ҳавопаймоҳои мутааллиқ ба ширкатҳои ҳавопаймоии Қатар бастаанд, аз ин рӯ танҳо роҳи убури парвозҳои қатарӣ, аз осмони Эрон хоҳад буд .

Вай афзуд: Масири парвозҳои Қатар ба самти Африқо бо убур аз осмони Эрон, ба самти Ироқ, Урдун ва сипас шимоли Африқо хоҳад буд .

Ин мақоми масъул дар ширкати фурӯдгоҳҳо ва новбарии ҳавоии Эрон гуфт: Ҳамчунин ҳавопаймоҳои қатарӣ барои парвоз ба мақосиди Аврупои шимолӣ, марказӣ ва ҳавзаи Атлантики шимолӣ маҷбуранд, бо убур аз осмони Эрон, вориди фазои Туркия шаванд ва аз анҷо ба Аврупо бираванд .

Вай афзуд: Ҳамакнун дар ҳар шабонарӯз 955 парвози убурӣ аз осмони Эрон тараддуд мекунанд, ки бо таҳрими хутути парвозии Қатар ва убури ҳавопаймоҳои онҳо аз осмони Эрон, эҳтимолан рӯзона 200 парвоз ба ин теъдод афзуда мешавад .