Ибрози таассуфи Эрон аз эъдоми фаъолони сиёсӣ дар Арабистон
Ситоди ҳуқуқи башари қувваи қазоияи Эрон, дар баёнияе аз дархости Додситонии кулли Арабистон барои эъдоми Есраъ Алғамғом ва ҳамсари вай ба ҳамроҳи се нафар аз фаъолони сиёсии ин кишвар, ибрози таассуф кард.
Есраъ Алғамғом, зани 29 солаи арабистонӣ, декабри 2015 ба ҳамроҳи ҳамсараш Мусо Алҳошим ба иттиҳоми ончи тадорук барои барпоии тазоҳуроти зиддидавлатӣ дар Қатифи Арабистон номида шуда, боздошт шуданд ва токунун дар зиндон ба сар мебаранд.
Ситоди ҳуқуқи башари қувваи қазоияи Эрон дар ин баёния бо таъкид бар инки, сиёсати Арабистон дар саркуби мусулмонони равшанфикр, ҳақталаб ва зулмситез ба иттиҳоми терроризм музҳик ва ғайри қобили қабул аст, эълом кард: Агар бино бошад, бо террористҳо бархурд шавад, ҳуккоми Саудӣ, муттаҳамони радиф аввал ҳастанд, ки масъули қатли садҳо ҳазор нафар аз мардуми бегуноҳи минтақа ҳастанд.
