Таҷлили раҳбари муаззами инқилоби исломӣ аз бонуи диловари эронӣ
Ҳафтумин посдошти адабиёти ҷиҳод ва муқовимат бо мавзуи баррасии нақши бонувон дар даврони дифои муқаддас, ҳамроҳ бо интишори тақризи раҳбари муаззами инқилоби исломӣ бар китоби “Фарангис” дар муассисаи пажуҳишии фарҳангии инқилоби исломӣ баргузор шуд.
Дар ин барнома, ки ҷамъе аз аҳолии фарҳанг ва адабиёти дифои муқаддас ҳузур доштанд, аз нависанда ва ровии китоби “Фарангис”- китоби хотироти бонуи курди рустоӣ ва марзнишин аз муқовимат дар баробари ҳамалоти режими мутаҷовизи Баъсӣ, таҷлил шуд.
Дар ёддошти раҳбари муаззами инқилоби исломӣ бар ин китоб омадааст: Бахши ногуфта ва бо аҳаммияте аз ҳаводиси даврони дифоъро ба муносибати шарҳи ҳоли ин бонуи шуҷоъ ва фидокор, дар ин китоб метавон дид.
Раҳбари муаззами инқилоби исломӣ дар ин ёддошт тасреҳ карданд: Бону Фарангиси диловар бо ҳамон рӯҳияи устувор ва пурқудрат ва бо забони содиқ ва самимии як рустоӣ ва бо авотиф ва эҳсосоти рақиқ ва латифи як зан, бо мо сухан гуфта ва минтақаи ношинохта ва муҳиме аз ҷуғрофиёи ҷанги таҳмилиро бо ҷузъиёташ ба мо нишон додааст.
Дар ёддошти Ҳазрати Оятуллоҳ Хоманаӣ омадааст: Мо аз рустоҳои марзӣ дар даврони ҷанг ва масоиби фаровони онон ва оворагиҳо ва гуруснагиҳо ва хисоратҳои моддӣ ва вайрониҳо ва доғи азизони онҳо, ҳаргиз ба ин вузуҳ ва тафсиле, ки дар ин ривоят содиқона омадааст, хабар надоштем ва низ аз фидокории ҷавонони онон, ки дар шумори аввалин шитобандагон ба муқобила бо душмани муҳоҷим буданд.
Раҳбари муаззами инқилоби исломӣ таъкид карданд: Моҷарои қатл ва асорати душман ба дасти ин бонуи диловар ҳам, ки худ як достони мустақил ва истисноӣ аст, ки назири он фақат дар савсангард, дар ҳамон овон иттифоқ афтода буд. Бону Фарангисро бояд бузург дошт ва аз нависандаи китоб, хонуми Фаттоҳӣ, ба хотири қалами равон ва шево ва ҳунари мусоҳибагирӣ ва хотиранависӣ, бояд бисёр ташаккур кард.
