Сафари беш аз чаҳор миллиону 700 ҳазор гардишгари хориҷӣ ба Эрон
Муовини гардишгарии Созмони мероси фарҳангӣ, саноати дастӣ ва гардишгарии Эрон аз сафари беш аз чаҳор миллиону 700 ҳазор гардишгари хориҷӣ ба Эрон аз 22 март то 22 октябри 2018 хабар дод.
Валии Темурӣ муовини гардишгарии Созмони мероси фарҳангӣ, саноати дастӣ ва гардишгарии Эрон гуфт: Аз 22 март то 22 октябр 2018 чаҳор миллиону 739 ҳазору 413 гардишгар ба Эрон сафар кардаанд.
Темурӣ афзуд: Бештарин гардишгароне, ки дар ин муддат ба Эрон сафар кардаанд, аз кишварҳои ҳамсоя ва ба тартиб аз Ироқ, ҷумҳурии Озарбойҷон, Афғонистон, Туркия ва Покистон будааст.
Алиасғари Мунисон раиси Созмони мероси фарҳангӣ ва саноати дастӣ ва гардишгарии Эрон низ чанде пеш эълом кард: Омори вуруди гардишгари хориҷӣ ба Эрон аз 22 март то 22 сентябри 2018 нисбат ба муддати мушобеҳи соли гузашта 51 дарсад афзоиш ёфтааст.
