Амрико наметавонад монее дар равобити Эрон ва Ироқ эҷод кунад
Сухангуи Вазорати хориҷаи Эрон гуфт: Эрон ва Ироқ ба рағми талошҳои Амрико равобити дуҷонибаи хубе доранд.
Баҳроми Қосимӣ, сухангуи Вазорати хориҷаи Эрон дар бораи афзоиши фишорҳои Амрико ба давлати Ироқ барои коҳиши ҳамкориҳои иқтисодӣ бо Эрон афзуд: Ироқ ҳамсояи хуб ва аз шарикони иқтисодии Эрон аст ва талошҳои Амрико барои эҷоди мушкил дар равобити дуҷониба наметавонад монее дар ин равобит эҷод кунад.
Қосимӣ дар бораи инсирофи ширкатҳои давлатии Русия ва Чин аз мушорикат дар тавсеаи бахши нафту гази Эрон гуфт: То замоне, ки иттилоияи расмӣ аз сӯи давлатҳои мушорикаткунанда дар тавсеаи санъати нафти Эрон мунташир нашавад, набояд ба ингуна ахбор таваҷҷуҳ кард, зимни инки фишори Амрико бар ширкатҳои бузург бисёр аст, то ҳамкориҳо бо Эронро мутаваққиф кунанд.
Вай дар бораи амалиёти низомии Туркия дар шимоли Сурия афзуд: Ҳеҷ кишваре наметавонад бидуни иҷозаи давлати марказии Сурия иқдомеро дар хоки ин кишвар анҷом диҳад ва ин сиёсати куллии ҷумҳурии исломии Эрон аст, ки агар ин асл риоят нашавад, метавонад раванди дар пеш гирифташуда дар музокироти Остонаро дучори мушкил кунад.
Сухангуи Вазорати хориҷаи Эрон ибрози умедворӣ кард, Нишасти Стокголм сароғози таҳаввуле мусбат барои мардуми Яман бошад ва инҳидоми зерсохтҳои ин кишвар поён ёбад.
