Зариф: Нишасти Варшава қабл аз баргузорӣ маҳкум ба шикаст шуд
Вазири умури хориҷаи Эрон бо таъкид бар инки Амрико аз мавозеъ ва аҳдофи зиддиэронии худ дар нишасти Варшава ақибнишинӣ кардааст, гуфт: Ин нишаст пеш аз шурӯъ маҳкум ба шикаст шуд.
Ба гузориши ИРНА, Муҳаммадҷаводи Зариф вазири умури хориҷаи Эрон бо ишора ба баргузории нишасти Варшава дар рӯзҳои оянда афзуд: Амрикоиҳо, ки барои баргузории нишасти зиддиэронӣ дар Полша талоши бисёре анҷом доданд, бо ақибнишинӣ аз мавозеи худ эълом карданд, ки Эрон мавзӯи ин нишаст нест.
Зариф тасреҳ кард: Ҳузури муовини раиси ҷумҳурии Амрико дар нишасти Варшава нишон медиҳад, ки амрикоиҳо ба аҳдоф ва ҳаракати аввалияи худ нарсидаанд.
Вазири умури хориҷаи Эрон афзуд: Амрико талош мекунад фазои шаклгирифта алайҳи худро ҷуброн кунад.
Майк Пампео вазири умури хорҷаи Амрико дар идомаи талошҳои ин кишвар барои илқои сиёсати эронҳаросӣ 11 январ эълом кард: Вашингтон дар назар дорад нишасте бо мавзӯи Эрон дар рӯзҳои 13 ва 14 феврал дар Варшаваи Полша баргузор кунад.