Баҳрабардорӣ аз пешрафтатарин зердарёии Эрон
Пешрафтатарин зердарёии Эрон бо номи “Фотеҳ” бо ҳузури Ҳасани Рӯҳонӣ, раисҷумҳури исломии Эрон ба новгони нерӯи дарёии артиши ин кишвар пайваст.
Генерал Амири Ҳотамӣ, вазири дифои Эрон дар ойини баҳрабардорӣ аз зердарёии “Фотеҳ” дар Бандараббос дар ҷануби Эрон гуфт: Ин зердарёӣ комилан бумӣ буда ва аз сифр то сади он ба дасти донишмандон ва мутахассисони эронӣ сохта шудааст.
Вай афзуд: Зердарёии “Фотеҳ” ба унвони нахустин зердарёии сатҳи нимасангини Эрон дорои вижагиҳои барҷаста ва мунҳасир ба фард ва аз фанновариҳои рӯзи дунё бархурдор аст.
Вазири дифои Эрон таъкид кард: зердарёии “Фотеҳ” ба сомонаи ҳидояти мушаки зери сатҳ ба сатҳ, ҳидояти аждар, ҷангҳои электронӣ ва мухобиротӣ муҷаҳҳаз аст ва метавонад муҷиби афзоиши қудрати дифоии нерӯи дарёии роҳбурдии артиши ҷумҳурии исломии Эрон шавад.
