Вазири хориҷаи Эрон озими Ню-Йорк шуд
Сентябр 20, 2019 15:13 Asia/Dushanbe
Вазири умури хориҷаи Эрон имрӯз (ҷумъа) Теҳронро ба мақсади Ню-Йорк тарк кард.
Муҳаммадҷаводи Зариф, вазири умури хориҷаи Эрон барои ширкат дар ҳафтодучаҳорумин нишасти Маҷмаи умумии Созмони Милали Муттаҳид озими Ню-Йорк шуд.
Зариф қарор буд душанбе (16 сентябр) ба Ню-Йорк сафар кунад, аммо давлати Амрико дар иқдоме душманона раводиди ҳайати эронӣ барои сафар ба Ню-Йоркро бо таъхир содир кард.
Давлати Амрико пештар низ (июли гузашта) дар ҷараёни сафари вазири умури хориҷаи Эрон ба Ню-Йорк ҷиҳати ширкат дар нишасти олиирутбаи Шӯрои иқтисодӣ-иҷтимоии Созмони Милал, маҳдудиятҳои шадиде алайҳи вай эъмол кард.