Дастури раҳбари муаззами инқилоб ба Ситоди кулли нерӯҳои мусаллаҳи Эрон дар пайи суқути ҳавопаймои украинӣ
Раҳбари муаззами инқилоби исломӣ дар пайоме, Ситоди кулли нерӯҳои мусаллаҳи Эронро маъмури пайгириҳои кутоҳиҳо ё тақсирҳои эҳтимолӣ дар ҳодисаи суқути ҳавопаймои мусофирбарии украинӣ карданд.
Ба нақл аз радиои бурунмарзии Садои Хуросон, ҳазрати оятуллоҳ Хоманаӣ раҳбари муаззами инқилоби исломӣ дар паи иттилоъ аз натиҷаҳои таҳқиқоти Ситоди кулли нерӯҳои мусаллаҳи Эрон дар пайи суқути ҳавопаймои украинӣ ва исботи дахолати хатои инсонӣ дар он, рӯзи шанбе дар пайоме бо ибрози ҳамдардии амиқ ва дубора бо хонаводаҳои доғдори ин ҳодиса, бар муроқибат ва пайгириҳои лозим барои такрор нашудани чунин сониҳаеро аз мудирон ва мақомоти Ситоди нерӯҳои мусаллаҳи Эрон дархост карданд.
Раҳбари муаззами инқилоби исломӣ ҳамчунин барои даргузаштагони ин ҳодиса лутфу раҳмати парвардигор ва барои хонаводаҳои онҳо сабру аҷр маслаъат карданд.
Матни пайоми раҳбари муаззами инқилоб ба ин шарҳ аст:
БисмиЛлоҳи раҳмони раҳим
Бо иттилоъ аз натиҷаҳои таҳқиқоти Ситоди кулл дар бораи ҳодисаи суқути ҳавопаймои украинӣ ва исботи дахолати хатои инсонӣ дар он, мусибати даргузашти ҷонбохтагони ин ҳодисаи андуҳбор барои инҷониб бисёр сангинтар шуд. Лозим медонам аввалан ба хонаводаҳои муъаззами ин азизон бори дигар ҳамдардии амиқ ва таслияти самимонаи худро иброз кунам ва аз Худованди мутаол барои онон бурдборӣ ва оромиши руҳӣ ва қалбӣ таманно намоям. Сониян ба Ситоди кулли нерӯҳои мусаллаҳ акидан дар бораи кутоҳиҳо ё тақсирҳои эҳтимолӣ дар ин ҳодисаи дарднок сифориш кунам. Солисан муроқибат ва пайгириҳои лозим барои такрор нашудани чунин сониҳаеро аз мудирон ва мақомоти Ситоди нерӯҳои мусаллаҳи Эрон дархост намоям. Парвардигори азиз ва карим ба даргузаштагон лутфу раҳмат ва ба доғдорон сабру аҷр иноят фармояд.
Саидалии Хоманаӣ 21 дей 1398 (11 январи 2020)
Як ҳавопаймои мусофирбарӣ мутааллиқ ба хутути ҳавоии Украина субҳи рӯзи чаҳоршанбеи гузашта (8 январ) наздики фурудгоҳи имом Хумайнӣ (р) Теҳрон суқут кард ва тамомии сарнишинон ҷон бохтанд.