Беҳбуди 2394 нафар аз мубталоён ба вируси корона дар Эрон

Раиси маркази равобит умумӣ ва иттилорасонии вазорати беҳдошт, дармон ва омӯзиши пизишкии Эрон эълом кард, ду ҳазору 394 нафар аз мубталоён ба вируси корона дар ин кишвар беҳбуд ёфтаанд.

Киёнуши Ҷаҳонпур рӯзи душанбе дар ҷамъи хабарнигорон дар бораи охирин омори ибтилои қатъӣ ба вируси корона дар кишвар гуфт, бар асоси натоиҷи озмоишгоҳӣ, 595 маврид бемори ҷадид мубтало ба " COVID-19" дар Эрон шиносоӣ шуда, ки бар ин асоси теъдоди кулли мубталоён ба ин беморӣ дар кулли кишвар ба 7161 нафар расидааст.

Раиси маркази равобит умумӣ ва иттилорасонии вазорати беҳдошт афзуд, муттаассифона дар тӯли 24 соат гузашта, 43 нафар аз мубталоёни ҷадиди " COVID-19" ҷони худро аз даст доданд ва маҷмӯъ ҷонбохтагони ин беморӣ дар кишвар ба 237 маврид расид.

Ҷаҳонпур теъдоди кулли беморони " COVID-19" дар кишвар ба тафкики устонро ба ин шарҳ эълом кард.

Теҳрон 1945. Қум 712. Гилон 524. Исфаҳон 601. Албурз 307. Мозандарон 633. Марказӣ 389. Қазвин 247. Симанон 220. Гулистон 175. Хуросони Разавӣ 183. Форс 133. Луристон 151. Озарбойҷони шарқӣ 129. Хузистон 73. Язд 90. Занҷон 68. Курдистон 66. Ардабил 72. Кирмоншоҳ 44. Кирмон 36. Ҳамадон 60. Систон ва Балучистон 34. Ҳумузгон 52. Хуросони Ҷанубӣ 37. Хуросони Шимолӣ 34. Чаҳормаҳол ва Бахтиёрӣ 26. Илом 31. Озарбойҷони ғарбӣ 69 Куҳгилуя ва Буйир-Аҳмад 9 ва Бушеҳр 11.