Нахустин маҳмулаи кӯмакҳои Эрон ба селзадагони Чорикор расид
Эрон нахустин кишварест, ки ба дархости кӯмаки мардуми селзадаи мардуми Афғонистон посух дод.
Ба гузориши радиои тоҷикии Садоии Хуросон ба нақл аз хабаргузории садо ва симои Эрон , кӯмакҳои некӯкорони Эронӣ рӯзи сешанбе ба мардуми селзадаи шаҳри Чорикори маркази вилояти Парвони Афғонистон таҳвил дода шуд .
Ин кӯмакҳо шомили шаш комюни маводи хӯрокӣ ва беҳдоштӣ буд, ки аз Кобул ба шаҳри Чорикор мунтақил ва барои тавзеъ миёни хонаводаҳои осебдида аз сел , ба масъулони идораи ҳаводиси Парвон таҳвил дода шуд .
Фазлиддини Айёрӣ волии Парвон гуфт : кӯмакҳои хайирони эронӣ нахустин кӯмакҳои хориҷӣ аст, ки ба мардуми селзадаи Чорикор мерасад .
Вай бо қадрдонӣ аз ин кумакҳо гуфт : Ҷумҳурии Исломии Эрон кишвари дӯст , бародар ва ҳамсояи Афғонистон аст, ки ҳамвора дар рӯзҳои талху ширини мардуми ин кишвар ҳамроҳи мардуми Афғонистон будааст .
Волии Парвон теъдоди куштаҳои сели Чорикорро 142 нафар эълом карду гуфт : ҷустуҷӯ барои ёфтани теъдоде аз аҷсод ҳамчунон идома дорад .
Дар маҷмӯ дар селҳои рӯзҳои ахири Афғонистон токунун 190 нафар ҷон бохтаанд .