Корона ҷони 458 эронии дигарро гирифт
-
Шумори беморони корона дар Эрон акнун ба марзи 700 ҳазор нафар расидааст
Сухангӯи Вазорати беҳдошт, дармон ва омӯзиши пизишкии Эрон аз шиносоии беш аз даҳ ҳазор бемори ҷадиди мубтало ба корона ва фавти 458 нафар дар 24 соъати гузашта дар ин кишвар хабар дод.
Ба гузориши радиои тоҷикии Садои Хуросон; Симосодоти Лорӣ- сухангӯи Вазорати беҳдошти Эрон рӯзи душанбе дар бораи охирин омори мубталоён ба вируси корона дар кишвар гуфт: Дар 24 соъати гузашта 10 ҳазору 463 бемори ҷадиди мубтало ба КОВИД-19 дар Эрон шиносоӣ ва аз ин теъдод 3 ҳазору 574 нафар бистарӣ шуданд.
Лорӣ бо баёни ин ки маҷмуи беморони КОВИД-19 дар Эрон ба 692 ҳазору 949 нафар расидааст афзуд: Маҷмуи қурбониёни корона дар ин кишвар низ ба 38 ҳазору 749 нафар расидааст.
Ба гуфтаи сухангӯи Вазорати беҳдошти Эрон, то кунун 525 ҳазору 641 нафар аз беморон низ беҳбуд ёфта ва аз бемористонҳо мурраххас шудаанд.
Теъдоди афроди мубтало ба вируси корона дар ҷаҳон низ ба ҳудуди 50 миллиону 818 ҳазор нафар расидааст, ки аз ин теъдод камаш як миллиону 263 ҳазор нафар ҷони худро аз даст дода ва беш аз 35 миллиону 837 ҳазор нафар ҳам беҳбуд ёфтаанд.
Бештар бихонед:
