Хуруҷи масъулонаи нерӯҳои хориҷӣ аз Афғонистон: Гоме дар ҷиҳати сулҳи пойдор
-
Ғанӣ: Мардуми Афғонистон аз ҷанг хастаанд ва сулҳ мехоҳанд
Вазири умури хориҷаи Эрон хориҷ шудани масъулонаи нерӯҳои хориҷӣ аз Афғонистон ҳамроҳ бо интиқоли равону муассири вазоифи онҳо ба нерӯҳои амниятии Афғонистонро гоме дар ҷиҳати сулҳи пойдор дар ин кишвар донист.
Ба гузориши Идораи кули итилоърасонӣ ва умури сухангӯии Вазорати умури хориҷаи Эрон, Муҳаммадҷаводи Зариф дар конфронси маҷозии Афғонистон 2020, суҳбат кардан аз ҷанг дар Афғонистон 20 сол баъд аз конфронси Бонро як фоҷеаи бузург хонду гуфт: “Беш аз 40 сол мардуми Афғонистон хунрезиҳоеро таҳаммул кардаанд, ки умдатан аз хориҷ сарчашма гирифтааст”.
|
Дар ҳамин ҳол Муҳамад Ашрафғанӣ, раиси ҷумҳурии Афғонистон низ рӯзи сешанбе дар дувумин рӯзи конфронси маҷозии Женева гуфт: “Тайи ду соли гузашта, афғонҳо дар бораи дастёбӣ ба сулҳи пойдор аз тариқи тавофуқи сиёсӣ бо Толибон ба иттифоқи назар расидаанд, сулҳе, ки мутобиқ бо арзишҳои қонуни асосии кишвар ва меъёрҳои байналмилалии ҳуқуқи башарӣ бошад.
Раиси ҷумҳурии Афғонистон таъкид кард, коҳиши фақр, беҳбуди вазъияти маишатии мардум, иштиғолзоӣ ва рифоҳ иқдомоте аст, ки бояд барои барқарории сулҳи пойдор анҷом шавад.
Нишасти дурӯзаи Афғонистон 2020 субҳи рӯзи душанбе бо ҳузури намояндагони аршади 66 кишвар ва 32 созмони байналмилалӣ бо ҳадафи баррасии роҳкорҳои барқарории сулҳ, субот ва тавсеа дар Афғонистон оғоз ба кор кард.
Бештар бихонед:
- Гузориши вижа: Нақши хати оҳани Хоф- Ҳирот дар беҳбуди авзои Афғонистон
- Нақши ҳамсоягон дар барқарории сулҳ дар Афғонистон
