Зариф: Эрон ғанисозии 20 дарсадии уранро оғоз кард

Вазири умури хориҷаи Эрон гуфт: Мо бар асоси мусаввабаи Маҷлиси Шӯрои исломии Эрон ғанисозии 20 дарсадии  уранро аз сар гирифтем.

Муҳаммадҷаводи Зариф, вазири умури хориҷаи Эрон рӯзи душанбе дар паёме навишт: Мо бар асоси мусаввабаи Маҷлиси Шӯрои исломӣ ғанисозии 20 дарсадиро аз сар гирифтем ва дар ин замина ба Ожонси байналмилалии энержии атомӣ низ итилоърасонӣ шудааст.

Зариф афзуд: Иқдомоти ҷубронии мо дар мутобиқати комил бо банди 36 БарҶом аст ва баъд аз солҳо бетааҳҳудии чанд узви дигари БарҶом иҷро шудааст.

• Зариф: Эрон аз марзи 300 килограмм ураниюми ғанишуда убур кард

Вазири умури хориҷаи Эрон таъкид кард: Тадобири мо дар сурати пойбандии ҳама ба тааҳҳудоташон ба таври комил бозгаштпазир аст.

Қонуни иқдоми роҳбурдӣ барои лағви таҳримҳо шомили 9 модда аст, ки илзоми давлати Ҷумҳурии исломии Эрон барои ғанисозии 20 дарсад, афзоиши захоири урани ғанишудаи ҷумҳурии исломӣ ва баҳрагирии Созмони энержии атомии Эрон аз насли ҷадиди сонтрифужҳои IR2M ва IR6 аз ҷумлаи мавориди ин қонун аст.

Бештар бихонед:

• Дипломати рус: тасмими Теҳрон барои ғанисозии 20 дарсадии уран қобили пешбинӣ буд
• Нишасти вазирони 4+1; Фурсате барои бозгашт ба тафоҳум ва таъомули дутарафа дар БарҶом
• Шӯрои ҳукком аз тасмими Эрон барои ғанисозии 20 дарсадии уран огоҳ шуд