Эрон оромгоҳи Абурайҳони Беруниро дар Афғонистон бозсозӣ мекунад
-
Мақбараи Абурайҳони Берунӣ дар шаҳри Ғазнии Афғонистон вайрон шудааст
Вазири мероси фарҳангӣ, гардишгарӣ ва саноати дастии Эрон омодагии ин вазоратхонаро барои кумак ба бозсозии усӯлии мақбараи Абурайҳони Берунӣ дар Афғонистон эълом кард.
Ба гузориши ИРНА, Алиасғари Мӯнисон, вазири мероси фарҳангӣ, гардишгарӣ ва саноати дастии Эрон аз Муҳаммадҳасани Толибён, муовини мероси фарҳангии ин вазоратхона хост бо тавваҷуҳ ба инки мақбараи Абурайҳони Берунӣ дар шаҳри Ғазнии Афғонистон вайрон шудааст дар ҳамоҳангӣ бо мақомоти ин кишвар барои бозсозии оромгоҳи Абурайҳони Берунӣ, донишманд ва риёзидони эронӣ ҳарчӣ сареътар иқдом кунад.
Мӯнисон афзуд, Эрон дониши хубе дар заминаи мариммат ва бозсозии биноҳо ва маконҳои таърихӣ дорад ва коршиносони барҷастае низ дар ин ҳавза фаъолият мекунанд, бар ин асос дар бозсозии усӯлии мақбараи Абурайҳони Берунӣ ба кишвари Афғонистон кумак мекунем то шоҳиди мақбарае дар шаъни ин донишманди барҷастаи эронӣ бошем.
Абурайҳони Берунӣ сеюми зилҳиҷаи соли 362 дар рӯстое дар атрофи Хоразм ба дунё омад ва соли 440 дар Ғазнӣ (Афғонистони имрӯзӣ) вафот кард.
Вай афзӯн бар забони форсӣ ба арабӣ, ибрӣ, сурёнӣ ва санскрит ва эҳтимолан юнонӣ низ мусаллат буд ва осори зиёде аз вай дар улӯми мухталиф, аз ҷумла дар нуҷум ва илми гоҳшуморӣ ва тақвим барҷой монда аст.
БЕШТАР БИХОНЕД:
