Рушди ҳамкориҳои касбӣ техникии Эрон ва Тоҷикистон
-
Рушди ҳамкориҳои касбӣ техникии Эрон ва Тоҷикистон
Мудири кулли корҳои байналмилалии Вазорати кооперативҳо, меҳнат ва ҳифзи иҷтимоии Эрон аз афзоиши ҳамкориҳо бо масъулини Вазорати шуғли аҳолии Тоҷикистон хабар дод.
Ба гузориши радиои тоҷикии Садои Хуросон, Алӣ Ҳусейн Шаҳривар дар нахустин кори гурӯҳи муштараки видеоконфаронсӣ бо Вазорати муҳоҷират ва иштиғоли аҳолии Тоҷикистон гуфт: Ин ҳамкорӣ дар соҳаҳои таҳсилоти техникӣ ва касбӣ ва соҳибкорӣ мебошад.
Ӯ гуфт: Агарчӣ Эрон ва Тоҷикистон марзи муштарак надоранд, вале тоҷикҳо ва Эрониҳо тамаддун, торих, фарҳанг ва забони воҳид доранд.
Вай афзуд: Ба ҳамин далел Вазорати кооперативҳо, меҳнат ва ҳифзи иҷтимоии Эрон ва Вазорати муҳоҷират ва иштиғоли аҳолии Тоҷикистон низ тавсеъаи ҳамкориҳои муштарак ва равобити мубтанӣ бар дӯстӣ ва ҳамкориро дар дастури кор қарор доданд.
Шаҳривар тасреҳ кард: Дар нишасти коргурӯҳи муштарак, пешнависи ёддошти тафоҳуми ҳамкорӣ миёни ду кишвар дар ҳавзаҳои кор, иштиғолу омӯзишҳои касбӣ техникӣ ниҳоӣ шуд.
Вай баён кард: Ду тараф аз тариқи табодули иттилоот, аснод ва таҷриба, омӯзиш ва сафарҳои корӣ, баргузории ҳамоишҳо, семинарҳо ва гурӯҳҳои кории муштарак дар заминаҳои равобити кор, бозрасии кор, беҳдошту эминии муҳити кор, коҳиши ҳаводиси ношӣ аз кор, сиёсатҳои бозоркор, иштиғол ,табодули нерӯи кору омӯзиши касбии техникӣ ҳамкорӣ хоҳанд кард.
Бештар бихонед:
