Pars Today

Вазири дифо ва пуштибонии нерӯҳои мусаллаҳи Ҷумҳрии Исломии Эрон эълом кард: “аслиҳаи тамомэронии "Масоф" ҷойгузини силоҳҳои инфиродии феълӣ дар нерӯҳои мусаллаҳ мешавад”.

Генерал Амири Ҳотамӣ, вазири дифо ва пуштибонии нерӯҳои мусаллаҳи Ҷумҳурии Исломии Эрон афзуд: Пеш аз ин ҳар кадом аз нерӯҳо ҳам аз артиш ва Сипоҳи посдорони Инқилоби Исломӣ як навъ аз силоҳ истифода мешуд, аммо пас аз эъломи ниёзи нерӯи заминии артиш, силоҳи комилан бумии “Масоф”, тарроҳӣ ва сохта шуд, ки ба мурӯр ҷойгузини ҳамаи силоҳҳои инфиродӣ дар нерӯҳои мусаллаҳи Эрон мешавад.

Генерал Ҳотамӣ афзуд, силоҳи эронии “Масоф” қобилияти рақобат бо силоҳҳои рӯзи дунёро дорост.

Вазорати дифо ва пуштибонии нерӯҳои мусаллаҳи Эрон рӯзи якшанбе аз силоҳи таҳоҷумии пешрафтаи тамоми эронии «Масоф» рӯнамоӣ кард.

Силоҳи “Масоф”, силоҳе аст сабук, ки бо ҳаво хунук мешавад ва қундоқи телескопии ба кор рафта дар он, қобилияти танзим дар шаш вазъиятро дорад.

Пайкарбандии ин силоҳ ба гунае аст, ки дар кӯтоҳтарин замон ва бидуни ниёз ба абзори хос қобили табдил ба нусхаи тактирандоз аст.

Тамомии мароҳили тарроҳӣ, сохт ва тавлиди ин силоҳ ба дасти мутахассисони дохилии Эрон дар Созмони саноеи дифоии ин кишвар анҷом шудааст.

БЕШТАР БИХОНЕД:

• Рӯнамоӣ аз ду тарҳи падофанди ҳавоии артиши Эрон
• Рӯнамоӣ аз пойгоҳи мушакии сипоҳ дар савоҳили Халиҷи Форс
• Рӯнамоӣ аз тирбори мушакии Сипоҳи посдорон+филм