Pars Today

Дар остонаи фаро расидани соли нави шамсӣ ва иди бостонии Наврӯз, маросими «Наврӯзи 1400, наврӯзи дӯстӣ» дар маҳалли сохтмони Вазорати хориҷаи Эрон дар Теҳрон баргузор шуд.

Ба гузориши ИРНА, дар ин маросим, ки сафирони кишварҳои хориҷии муқими Теҳрон ҳузур доштанд, вазири умури хориҷаи Ҷумҳурии исломии Эрон таъкид кард, ки сармои корона, бедод ва​​​​ таҳрим дар остонаи завол аст ва онҳое ки садои қудрати низомӣ, иқтисодӣ ва фарҳангии онҳо гӯши фалакро пур кардааст, дар баробари вируси корона, ки ба чашм намеояд, зонӯ заданд.

Муҳаммадҷаводи Зариф афзуд: Қарне ки таҳрим, беадолатӣ, ҷангу эҳтикор (анбор кардан)-и ваксина доштро ба канор гузоштем ва вориди қарне мешавем, ки ҳамроҳӣ, ҳамкорӣ, ҳамбастагӣ, ишқ, дӯстӣ ва муҳаббат ба ҳамроҳ хоҳад дошт.

Вай изофа кард: Имрӯз на танҳо дар нимҷазираи Ҳинд то Туркия ва Ироқу Сурия Наврӯзро ҷашн мегиранд, балки дар ҷо - ҷойи ҷаҳон Наврӯзро мешиносанд ва ин маросимро арҷ мениҳанд.

Вазири умури хориҷаи Эрон ҳамчунин гуфт: Пешрафт дар канори ақибмондагӣ, ғано дар канори фақр, ноамнӣ дар канори амният ва сулҳ дар канори ҷанг қобили ҷамъ нест ва арзишҳои инсонӣ ба ҳам пайвастааст.

Зариф идома дод: Аз Худованд бихоҳем ҳамон гуна ки зимистонро ба баҳор табдил мекунад, қалбҳо ва рӯзҳои моро нав кунад ва кинаҳоро аз дилҳо бизудояд ва ба мо биомӯзад, ки ҳамаи мо дар як киштӣ ҳастем ва ояндаи башарият ояндае муштарак аст.

Бештар бихонед:

• Корона маросими Наврӯз дар Созмони Милалро лағв кард + видео
• Эрониён солро ба кадом навои мусиқӣ нав мекунанд? + видео 
• Ройзаниҳои сиёсии Эрон ва Узбакистон дар чорчӯби ҳавзаи тамаддунии Наврӯз