Азсаргирии парвозҳои Эрон ба Афғонистон

Парвозҳо аз Эрон ба Афғонистон аз сар гирифта шуд

Эрон парвозҳои тиҷорӣ ба Афғонистонро, ки аз замони суқӯти Кобул ба дасти Толибон мутаваққиф карда буд, аз сар гирифт.

Як фарванди ҳавопаймои ширкати ҳавоии “Моҳон” дар фурудгоҳи Кобул ба замин нишаст, ин ҳавопаймо аз Теҳрон ба сӯи Кобул парвоз карда буд.

Гуфта мешавад, як ҳавопаймои дигар низ аз шаҳри Машҳад дар шимоли шарқи Эрон ба мақсади Кобул парвоз кард.

Эрон як рӯз пас аз суқӯти Кобул ба дасти Толибон ба «далоили амниятӣ» парвозҳо ба Афғонистонро мутаваққиф карда буд.