Pars Today

Теҳрон имрӯзи панҷшанбе мизбони муовини бахши иқдоми Иттиҳодияи Аврупо хоҳад буд .

Алии Боқирӣ-муовини сиёсии Вазорати умӯри хориҷаи Эрон дар тветте бо эъломи хабари ин сафар навишт : Табодули назар дар бораи масоили дуҷониба,минтақаӣ аз ҷумла Афғонистон ва низ музокирот барои бардоштани таҳримҳои золимона дар дастури кори ин сафар аст .
Сафари Энрике Мора ба Теҳрон дар шароите анҷом мешавад, ки Амрикову аъзои аврупоии ин тавофуқ ба рағми таъкиди Ҷумҳурии исломии Эрон дар бора аҳамияти гомҳои айнӣ ва қобили ростиозмоӣ барои тазмини манофеи Эрон дар Барҷом, иқдоми амалӣ  сурат надодаанд .
Бо ин ҳол дипломатҳое аз Англия, Олмон ва Фаронса рӯзи чаҳоршанбе дар ёддоште бо ишора ба барномаи сафари муовини сервиси иқдоми Иттиҳодияи Аврупо ба Теҳрон навиштанд : Ин дидор дар замони муҳимме рух медиҳад, ки музокироти Вена дар хусӯси бозгашти комил ба Барҷом тақрибан ба муддати чаҳор моҳ тавассути Эрон таълиқ шудааст .
Ин мавзе дар ҳоле аз сӯи Аврупо такрор мешавад, ки амалкарди заъифи аврупоиҳо аз ҷумла Фаронса яке аз илали эҷоди мушкилот дар масири иҷрои Барҷом будааст . Масоилу мушкилоте, ки дар асари адами ҳусни нияту бадаҳдиҳои Амрико дар раванди иҷрои Барҷом эҷод шуда, мавзӯе нест ки битавон онро нодида гирифт ва ба музокироти бидуни натиҷа идома дод . Возеҳ аст, ки масъӯлиятҳои Аврупо дар қиболи Барҷом ба дурустӣ амал нашудааст ва ин раванд ба навъе таъйиди иқдомоти якҷонибаи Амрико маҳсӯб мешавад .

Маҳдии Сафарӣ-муовини дипломосии иқтисодии вазири умӯри хориҷаи Эрон дар нишасти олирутбаи бузургдошти шастумини солгарди аввалин конфаронси Ҷумбиши адами таъаҳҳуд дар Сербия бо ишора ба таъаллули аврупоиҳо дар Барҷом гуфт : Нотавонии забунонаи Аврупо дар таҳаққуқи имтиёзоти иқтисодии ночизи ваъда додашуда ба Эрон пас аз хурӯҷи ғайриқонунии Трамп аз Барҷом ва низ тардиди малоловари ҳайати ҳокимаи ҷадиди Амрико дар канор гузоридани сиёсати шикастхурдаи " фишори ҳаддиаксарӣ " ، муҳимтарин далоили адами пешрафти кунунӣ дар иҷрои Барҷом будааст .

Бадеҳӣ аст, ки фурсати калидӣ барои фаъол шудани Барҷом замоне эҷод хоҳад шуд, ки ноқизони воқеии Барҷом ба масири дуруст барои бозгашти Барҷом ворид шаванд, ки албатта дар ин замина корҳои зиёде пеши рӯ қарор дорад .
Акнун ду масаълаи муҳим бояд мушаххас шавад;
Масаълаи нахуст, тавваҷуҳ ба аҳамияти замон ва аз даст надодани фурсати андаки боқимонда дар ин марҳила аст . Аз ин рӯ аврупоиҳо ба ҷои тамаркуз бар фишор бар Эрон лозим аст дар заминаи амал ба таъаҳҳудоташон ҷиҳати ҳифзи Барҷом тасмими ҷиддӣ ва оҷил бигиранду иқдомоти марбут ба лағви таҳримҳо ва гомҳои ҳастаиро аз тариқи гуруҳҳои коршиносӣ мушаххас кунанд.
Гэдди Кальво-таҳлилгари масойили байналмиллалӣ аз Аргентина бо ишора ба заъфҳои Иттиҳодияи Аврупо ва беэътимодии Эрон ба ваъдаҳои бидуни амали онҳо муътақидаст барои инки музокирот пешрафти хубе дошта бошад, бояд тазминҳои мушаххасу муътабар аз тарафҳои муқобил ба Эрон дода шавад .
Масаълаи дувум бозгашти Амрико ба Барҷом аст, ки барои ин мавзӯъ ниёз ба ҳеҷ музокирае нест, зеро масири Амрико дар ин хусус комилан равшан аст . Иёлоти Муттаҳида ҳамон гуна ки аз тавофуқ хориҷ шуду таҳримҳои ғайриқонунӣ алайҳи Эрон вазъ кард, ба ҳамон сурат низ метавонад ба тавофуқ баргашта ва қонӯншиканиро хотима диҳад .
Албатта бо тавваҷуҳ ба аҳамияти мавзӯъ барои ҳамаи тарафҳои тавофуқи Барҷом метавон интизор дошт, ки музокироти Вена дар ояндаи на чандон дур аз сар гирифта шавад ; аммо дар ин музокирот Эрон қатъан " ба дунболи ҳуқуқе аст, ки Амрико дар Барҷом нақз ва Аврупо дар ҷуброни он сустӣ кардааст . Амалишавии ин хостаҳо ҳам бояд қобили ростиозмоӣ ва айнӣ бошад, то Эронро барои бозгашт ба таъаҳҳудоте, ки то як соли пас аз хурӯҷи Амрико аз Барҷом пойбанд буд, мутақоъид кунад ки ин озмуни сахт барои тарафҳои ғарбӣ аст . Интизор меравад музокироти имрӯзи Энрике Мора дар Теҳрон битавонад ба як ҷамъбандии қобили қабул дар ин замина мунҷар шавад.



Бештар бихонед :

• Бозгашти комили Эрон ба БарҶом дар сурати бароварда шудани интизорот дар ҳавзаҳои мухталиф

• Иддаои Амрико дар бораи лағви бахше аз таҳримҳои тиҷории Эрон