Охирин омори корона дар Эрон
-
Охирин омори корона дар Эрон
Вазорати беҳдошту дармон ва омӯзиши пизишкии Эрон аз фавти 72 нафар бар асари ибтило ба вируси корона дар кишвар хабар дод.
Ба гузориши радиои тоҷикии Садои Хуросон Вазорати беҳдошту дармон ва омӯзиши пизишкии Эрон рӯзи шанбе эълом кард: Дар 24 соати гузашта 72 бемори Ковид-19 фавт карданд, ки маҷмуъи фавтиҳо ба 139 ҳазору 550 нафар расид.
Вазорати беҳдошту дармон ва омӯзиши пизишкии Эрон эълом кард: Аз рӯзи ҷумъа то рӯзи шанбе ва бар асоси меъёрҳои қатъии ташхис, як ҳазору 323 бемори ҷадиди мубтало ба Ковид-19 дар кишвар шиносоӣ шуд, ки маҷмуъи беморон ба 7 миллиону 139 ҳазору 217 нафар расид.
Бар асоси ин гузориш то кунун 6 миллиону 817 ҳазору 172 нафар аз беморон беҳбуд ёфта ва ё аз бемористонҳо тархис шуданд.
Вазорати беҳдошту дармон ва омӯзиши пизишкии Эрон гузориш дод дар шабонарӯзи гузашта 102 ҳазору 914 доза ваксинаи корона дар кишвар тазриқ шуда аст.
Вазорати беҳдошт эълом кард: То кунун 63 миллиону 743 ҳазору 44 дози аввал, 56 миллиону 522 ҳазору 644 дози дуввум ва 25 миллиону 669 ҳазору 551 дози севвуми ваксинаи коронаро тазриқ карданд ва маҷмуъи ваксинаҳои тазриқшуда дар Эрон ба 145 миллиону 935 ҳазору 239 доза расид.
Бештар бихонед:
