Модари шаҳиди ҷопонии Дифои муқаддас даргузашт
Модари танҳо шаҳиди ҷопонии Дифои муқаддас, ки ба далели беморӣ дар бемористон бистарӣ буд, дори фониро видоъ гуфт.
Ба гузориши хабаргузории байналмилалии “Қуръон” (ИКНА), Конико Ямамура (Сабо Бобоӣ), ки ба далели беморӣ дар бемористони Хотамуланбиёи Теҳрон бистарӣ буд, имрӯз ҷумъа даргузашт.
Ӯ танҳо модари шаҳиди Дифои муқаддас (ҷанги таҳмилии Ироқ зидди Эрон) бо асолати ҷопонӣ буд.
Фарзанди шаҳидаш ҷавони 19 солае буд, ки ҳам дар даврони қабл аз пирӯзии инқилоби исломӣ фаъолиятҳои зиёде дошт ва ҳам дар замони ҷанги таҳмилӣ бо вуҷуди синни кам роҳии ҷабҳаҳо шуд то аз Ислому Эрон дифоъ кунад, ки дар амалиёти “Валфаҷри - 2”, дар минтақаи Фака ба шаҳодат расид.
Конико Ямамура дар хонаводае буддоӣ дар Ҷопон мутаваллид ва дар 20 солагӣ бо ҷавоне мусулмону эронӣ ошно шуд ва таҳти таъсири ахлоқи исломии ин ҷавони мусулмон ба дини Ислом мушарраф шуд ва бо илҳом аз китоби осмонии Қуръон номи «Сабо»-ро барои худ баргузид.
Конико Ямамура баъд аз издивоҷ ба Эрон муҳоҷират карду соҳиби фарзанде шуд, ки озими ҷабҳаҳои набарди ҷанги таҳмилӣ шуда ва ба шаҳодат расид.
Конико Ямамура дар солҳои ибтидоии роҳандозии радиои ҷопонии муовинати бурунмарзии Садо ва симои Ҷумҳурии исломии Эрон, фаъолона дар поягузории ин расона нақшофаринӣ кард ва пас аз он ба унвони коршинос бо ин радио ҳамроҳ буд.
Бештар бихонед:
