Ситораи миллипӯши Эрон ҷузви сад бозикуни бартари Аврупо
Меҳдии Торимӣ, ситораи миллипӯши тими футболи Эрон ба унвони яке аз сад бозикуни бартари футболи Аврупо дар фасле, ки гузашт, муаррифӣ шуд.
Нашрияи “Марка Испания” ба муаррифии сад бозикуни бартари фасли гузаштаи лигаҳои аврупоӣ пардохту номи Меҳдии Торимӣ, ситораи миллипӯши тими миллии футболи Эрон ва узви бошгоҳи Портои Португалия дар миёни беҳтаринҳои соли Қораи Сабз қарор гирифт.
Тибқи ин гузориш, ин интихоб тавассути 60 коршиноси футбол аз нуқоти мухталифи ҷаҳон сурат гирифтааст.
Бозикуни 29 солаи эронии Порто бо амалкарди хиракунанда ба ҳамроҳи ин тими португалӣ ҷойгоҳи навадушашуми беҳтаринҳои соли Аврупоро аз они худ кард.
Меҳдии Торимӣ, муҳоҷими эронии тими футболи Портои Португалия дар 31 гол аз 86 голе, ки Порто дар ин фасл ба самар расонд, ҳузури мустақим дошт ва 5 бор ба унвони беҳтарин бозикуни моҳ интихоб шуд.
Ин муҳоҷими эронӣ, ки дар тими мунтахаби фасли лигаи Португалия низ қарор гирифта, ҳамчунин дар тамоми рақобатҳои футболи Португалия тавонист дар 96 бозӣ 49 гол сабт кунад, ки омор тақрибан як гол бар ивази ҳар ду бозӣ аст.
