Паёми табрики Рӯҳонӣ ба раисҷумҳури ҷадиди Узбакистон

Раисҷумҳури исломии Эрон дар паёме ба раисҷумҳури мунтахаби Узбакистон пирӯзии вайро дар интихоботи раёсатҷумҳурии ин кишвар табрик гуфт.

Ба иттилои пойгоҳи хабарии бурунмарзии Садо ва Симо, раисҷумҳури исломии Эрон рӯзи чаҳоршанбе дар паёми худ ба раисҷумҳури ҷадиди Узбакистон зимни табрики пирӯзии вай дар интихоботи раёсатҷумҳурии ин кишвар, бар омодагии Эрон барои афзоиши ҳамкориҳо бо давлати Узбакистон таъкид кард.

Интихоботи раёсатҷумҳурии Узбакистон 4 декабр баргузор ва Шавкат Мирзоев бо касби 88.61 дарсади оро ба унвони раисҷумҳури Узбакистон интихоб шуд.