Филм ; Баргузории намоишгоҳи гардишгарии Лондон бо ҳузури Эрон
Чиҳилу сеюмин намоишгоҳи солонаи « Бозори сафарҳои ҷаҳонӣ » рӯзи душанбе бо ҳузури ширкатҳои фаъол дар ҳавзаи гардишгарӣ аз ҷумла теъдоде аз тургардонони эронӣ, мақомоти давлатӣ ва алоқамандон ба санъати туризм дар намоишгоҳи доимии Лондон мавсум ба « EXCEL » баргузор шуд.
Ба гузориши радиои тоҷикии Садои Хуросон ба нақл аз ИРНА, дар ин намоишгоҳи серӯза беш аз панҷ ҳазор ширкати фаъол дар ҳавзаи гардишгарӣ аз 182 кишвар ҳузур доранд. Бозори сафарҳои ҷаҳонӣ фурсате аст то фаъолони санъати туризм зимни муаррифии охирин фаъолиятҳову барномаҳои худ аз охирин таҳаввулоти ин санъат бохабар шаванд .
Дар ҳошияи ин намоишгоҳ мизи гирдҳо ва ҷаласоти гуногуне бо ҳузури мудирони санъати гардишгарӣ ва алоқамандон ҷараён дорад .
Тургардонони эронӣ низ бо ҳузур дар ин намоишгоҳ мизбони гардишгарону кунишгарони алоқаманд ба фаъолият дар ҳавзаи Эрон ҳастанд .
Дар ин намоишгоҳ ҳамчун солҳои қабл бисёре аз кишварҳои ширкаткунанда гушаҳое аз фарҳангу тамаддуни худро бо ироаи маводи ғизойии маҳаллӣ ва намоишҳои кӯтоҳ ба арсаи зуҳӯр гузоштанд .
Намоишгоҳи Бозори сафарҳои ҷаҳонӣ то рӯзи чаҳоршанбе идома дорад .
