Сарлашкар Мусавӣ: Режими саҳюнистӣ дар шароити буҳрони сиёсӣ ва амниятӣ қарор дорад

Фармондеҳи кулли артиши Ҷумҳурии Исломии Эрон гуфт, имрӯз режими саҳюнистӣ дар шароити буҳрони сиёсӣ ва амниятӣ қарор дорад ва ба шиддат таҳти фишорҳои дохилӣ ва хориҷӣ аст.

Сарлашкар Саидабдурраҳими Мусавӣ, фармондеҳи кулли артиши Ҷумҳурии Исломии Эрон рӯзи чаҳоршанбе дар Шӯрои олии фармондеҳони артиши Эрон бо ишора ба изҳороти мақомоти режими саҳюнистӣ дар бораи Эрон изҳор дошт, бо ташдиди ихтилофоти сиёсӣ ва бурузи буҳрони машруъияти дохилӣ аз як сӯ эҳсоси ноамнии минтақаӣ аз сӯи дигар, мақомоти режими саҳюнистӣ ба ёвагуӣ руй овардаанд.

Вай Эрон гуфт, имрӯзи режими саҳюнистӣ дар шароити буҳрони сиёсӣ ва амниятӣ қарор дорад ва ба шиддат таҳти фишорҳои дохилӣ ва хориҷӣ аст ва фасод ва расвоиҳои молӣ ва ахлоқии мақомоти ин режим ва ноамнии ношӣ аз қудратгирии гурӯҳҳои муборизи фаластинӣ, як мавқеъияти буҳрониро барои режими саҳюнистӣ эҷод кардааст.

Сарлашкар Мусавӣ афзуд, ихтилофоти дохилӣ, тарс ва ноамнӣ, аз вижагиҳои боризи режими саҳюнистӣ дар мақтаи феълӣ аст ва ҳамин авомил муҷиби ташдиди хушунатҳои ин режим алайҳи фаластиниён ва раҷазхонии ҳамроҳ бо ваҳшат алайҳи Ҷумҳурии Исломии Эрон шудааст.

Сарлашкар Саидабдурраҳими Мусавӣ хитоб ба сокинони сарзаминҳои ишғолӣ ҳушдор дод, имрӯз режими саҳюнистӣ ба далели нақзи густардаи ҳуқуқи байналмилал, ҷиноёти густарда алайҳи фаластиниёну шароратҳои мустамар дар минтақа, беш аз гузашта назди афкори умумии ҷаҳон манфур шуда ва ин воқеият муҷиби эҳсоси ноамнии комили сокинони сарзаминҳои ишғолӣ шудааст.

Сарлашкар Мусавӣ таъкид кард, мақомоти режими саҳюнистӣ хуб медонанд, ки дар сурати ҳар иқдоми хасмона, қатъан тавони истодагӣ дар муқобили посухи кубандаи Эронро нахоҳанд дошт, ба ҳар мабда, ки аз он тааррузе алайҳи амнияти манофеи Ҷумҳурии Исломии Эрон сурат гирад ё кумаке ба режими саҳюнистӣ ироа шавад, посухи пушаймонкунанда хоҳем дод.