Раиси Ҷумҳурии Исломии Эрон: Моҳвораи бумӣ, беасаркунандаи таҳдидҳои душманон аст
Раиси Ҷумҳурии исломии Эрон дастёбии донишмандони эронӣ ба тавонмандии илмии истиқрори моҳвораи бумӣ дар мадори фазоиро беасаркунандаи таҳдидҳои расонаӣ ва таҳримҳои душманон донист.
Саидиброҳими Раисӣ, чаҳоршанбешаб дар нишасти Шӯрои олии фазоӣ, санъати фазоиро ҷузви саноати қудратофарин барои кишвар хонд ва бар лузӯми таҳаққуқи комили аҳдофи миллӣ дар ин санъат бо баҳрагирӣ аз тавонмандӣ ва дониши мутахассисони бумӣ таъкид кард. Раисӣ, санъати фазоиро сармояе бузург барои кишвар арзёбӣ кард, ки бояд ниёзҳои илмӣ ва таҳқиқотии фаъолони он таъмин шавад, зеро ҳазина дар ин арса, як сармоягузории пурбоздеҳи иқтисодӣ ва тиҷорӣ дар дунё аст. Раиси Ҷумҳурии исломии Эрон бо қадрдонӣ аз талошҳои сӯратгирифта барои тадвини чашмандози 10 солаи санъати фазоии кишвар, бар ҳамафзоии зарфиятҳо дар ҳавзаи фазоӣ ва ҳамчунин истифода аз ҳамаи заминаҳои мусоиди эҷод шуда барои иртиқои санъати фазоии кишвар таъкид кард.
Вай ҳамчунин бо ибрози ризоят аз пешрафтҳои сӯратгирифта дар санъати фазоӣ, тавфиқоти ҳосил шуда дар ин заминаро шоҳиде бар шикасти таҳримҳо ва талош барои мунзавӣ кардани Ҷумҳурии исломии Эрон ва ақиб нигаҳ доштани кишвар аз саноати пешрафтаи дунё донист. Раиси Ҷумҳурии исломии Эрон бо баёни инки Эрон аз ҷумлаи маъдуд кишварҳое аст, ки ба фанноварии партоби фазопаймо даст ёфтааст, афзуд, бо идомаи талошҳо ва дастёбӣ ба тавонмандии илмии истиқрори моҳвораи бумӣ дар мадори гео, таҳдидҳо ва таҳримҳои душманон дар арсаи пахши шабакаҳои телевизиюнӣ ва моҳвораии зидди Эрон беасар хоҳад шуд.
