Узбекистон ба системаи интихоботи таркибӣ рӯй овард
Раисиҷумҳури Узбекистон лоиҳаеро бо мавзӯи тағйири системаи раъйдиҳии аксариятӣ ба системаи интихоботи таркибӣ бо аксарият ва таносуб имзо кард.
То чанде пеш, Узбекистон аз системаи раъйи аксарият истифода мекард, ки бар асоси он, номзадҳои дорои теъдоди зиёде оро дар ҳавзаи интихоботии худ баранда эълом мешуданд ва ҳамаи номзадҳо намояндаи аҳзоби фаъол дар ин кишвар буданд.
Бар асоси қонӯни ҷадид, интихоботи Маҷлиси қонунгузории Узбекистон бо истифода аз системаи интихоботии мухталит (мухталити аъзои таносубӣ-омехта) баргузор мешавад. Ҳамчунин ҳавзаҳои таккурсӣ ва як ҳавзаи интихоботии воҳид вуҷӯд хоҳад дошт.
75 узви Маҷлиси қонунгузорӣ аз манотиқи яккурсӣ бо истифода аз системаи раъйи аксарият интихоб хоҳанд шуд ва 75 узви дигари ҳам аз ҳавзаи якпорчаи интихоботӣ бо истифода аз системаи интихоботии таносубӣ бар асоси орои аҳзоби сиёсӣ, интихоб хоҳанд шуд.
Утоқи қонунгузории Узбекистон муташаккил аз 150 узв аст. Дар ҳоли ҳозир панҷ ҳизби сиёсӣ дар Узбекистон фаъолият доранд.
Ба гузориши хабаргузории ИРНА, сухангӯии маҷлиси Сенати Узбекистон дар бораи системаи интихоботии ҷадид гуфт, тасвиби ин қонӯн боиси афзоиши нақши аҳзоби сиёсӣ дар фаъолиятҳои порлумон ва қувои муқаннанаи маҳаллӣ ва эҷоди чорчӯби қонӯнӣ барои муаррифии низоми интихоботии аксариятӣ ва таносубӣ барои маҷлиси қонӯнгузорӣ мешавад.
Ин қонӯн, ки 31 октябр дар Маҷлиси қонунгузорӣ (маҷлиси авом)-и Узбекистон ва 24 ноябр дар маҷлиси Сенати ин кишвар ба тасвиб расид, пас аз интишор дар расонаҳои порлумонии ин кишвар, иҷроӣ шуд.
