Сармоягузории 250 миллион долларии Малайзия барои сохти корхонаи хлор дар Узбакистон
Давлати Малайзия барои сохти корхонаи тавлиди суди кастик ва хлори моеъ дар Узбакистон 250 миллион доллар сармоягузорӣ мекунад.
Ба нақл аз Форс, Равшан Усмонов- сафири Узбакистон дар Малайзия дар як дидори видеоӣ бо мақомоти ин кишвар дидор кард ва чигунагии афзоиши ҳамкориҳои дуҷонибаро мавриди баррасӣ қарор доданд.
Дар ин дидори видеоӣ ҳамчунин Шавкат Тулганов- муовини раиси вилояти Хоразм ва Нурзод Хайруллоев - муовини раиси Идораи Вазорати сармоягузорӣ ва тиҷорати хориҷии Узбакистон ширкат карданд.
Дар ин нишасти видеоӣ масоили иҷроии тарҳи сармоягузорӣ барои роҳандозии хати тавлиди суди кастик ва хлори моеъ дар минтақаи озоди иқтисодии Ҳазорасби устони Хоразм ба арзиши 250 миллион доллар баррасӣ шуд.
Дар ин нишаст тарафи узбак гузоришоте бар асоси иқдомоти дар дасти анҷом дар Узбакистон барои таъмини суботи иқтисодӣ, фаолияти бидуни вақфаи арсаҳои иқтисод, иҷрои тарҳҳои сармоягузорӣ бо мушорикати ширкатҳои хориҷӣ ва ҳамчунин иқдомоти дар ҳоли анҷом барои мубориза бо шуюи вируси корона дар ин кишварро дар ихтиёри тарафи Малайзия қарор доданд.
Мубодилоти бозаргонии Узбакистон ва Малайзия дар соли 2018 аз сатҳи 78 миллион доллар фаротар рафтааст. Дар ҳоле, ки ин шохис дар 8 моҳи соли 2019 нисбат ба муддати мушобеҳи сол қабл бо 52.2 дарсад афзоиш дар сатҳи 74 миллиону 100 ҳазор доллар қарор гирифтааст.
