Тарҳи ташкили давлати муваққати сесола дар Афғонистон
-
Дар ин санад ба таркиби этникии таъиноти ҳукумат таъкид шудааст
Бурунмарзӣ, Шӯрои олии мусолиҳаи миллии Афғонистон ба манзури бозгардондани сулҳ ба ин кишвар, тавсия кард, ки як давлати муваққат барои давраи 3 сола эҷод шавад.
Ба гузориши радиои тоҷикии Садои Хуросон ба нақл аз Спутник , тибқи эъломи шабакаи як телевизиюни Афғонистон, давлати муваққат шомили раиси ҷумҳурӣ ва нахуствазир мешавад ва ҳар як аз онҳо дорои чаҳор муовин хоҳанд буд, ки яке аз онҳо зан аст .
Илова бар ин, дар ин санад бар зарурати дар назар гирифтани " таркиби қавмӣ " ҳангоми анҷоми интисобот ва дигари тасмимҳо таъкид шудааст.
Барномаи пешниҳодии Шӯрои олии мусолиҳаи миллии Афғонистон ҳамчунин идеяи раиси ҷумҳурии ин кишвар Ашраф Ғанӣ мабнӣ бар баргузории интихоботи зудҳангомро ҳам шомил мешавад.
Афғонистон дучори даргирии дохилии хушунатомези байни давлати қонунӣ ва гурӯҳи Толибон аст, ки бахши умдае аз манотиқи рустоии ин кишварро таҳти назорат дорад ва ба шаҳрҳои бузург ҳамла мекунад.
Агарчи раванди музокироти сулҳи байни давлати Афғонистон ва Толибон дар сентябри 2020 оғоз шуд, аммо бо коршиканӣ ва мудохилагириҳои Амрико ин музокирот ҳанӯз натиҷае надошта ва ин кишвар дар моҳҳои ахир шоҳиди ташдиди хушунатҳо низ будааст.
Бештар бихонед :
