Давлати Афғонистон: Ҷобаҷоии нерӯҳо ба маънеи суқӯти шаҳристонҳо нест
Сухангӯи вазорати кишвари Афғонистон изҳор дошт, ҷобаҷоии муваққатии нерӯҳои амниятӣ аз маконе ба маҳалли дигар ба маънеи суқӯти шаҳристонҳо нест.
Ториқ Орин рӯзи якшанбе гуфт, иддаои Толибон мабнӣ бар суқӯти шаҳристонҳо нодурустаст ва ҷобаҷоии нерӯҳои амниятӣ дар теъдоде аз марокизи шаҳристонҳо ба дигар манотиқ ба маънеи суқӯт нест.
Вай афзуд, Толибон тавонои ҳифзи ҳеч як аз шаҳристонҳоро надорад ва ҳузури ин гурӯҳ дар манотиқе, ки пешравӣ кардааст, муваққат аст ва қатъан доимӣ нест.
Гуфтанисст, ки ҳамзамон бо оғози раванди хурӯҷи низомиёни амрикоӣ аз Афғонистон, ҳамалоти Толибон ба таври бесобиқае афзоиш ёфта ва дар пайи он суқӯти шаҳристонҳо маъмулан бидуни даргирӣ ва бо миёнҷигарии бузургони қавмӣ ва таслим шудани нерӯҳои амниятӣ ва ё ақибнишинии онҳо аз мавозеъи худ сӯрат гирифтааст.
Дар ҳоле, ки мақомоти давлати Афғонистон вогузории ин шаҳристонҳо ба Толибонро «ақибнишинии тактикӣ» мехонанд, бар асоси тозатарин омори « Languedoc Journal» дар бораи вазъияти амниятии Афғонистон, дар ҳоли ҳозир 176 шаҳристони Афғонистон (44 дарсад хоки ин кишвар) дар кантроли Толибон қарор дорад.
Бештар бихонед:
Мухолифати Русия бо истиқрори низомиёни амрикоӣ дар Осиёи Марказӣ
Ҳушдори фармондеҳи аршади амрикоӣ дар бораи вуқуъи ҷанги дохилӣ дар Афғонистон
