Авзои номуносиб барои кӯдакони Афғонистон
Мавориди норасоии ғизои кӯдакон дар бархе аз вилоёти Афғонистон афзоиш ёфтаву авзоъ барои кӯдакон бадтар шудааст.
Ба гузориши хабаргузории Садои Афғон (Ово), дафтари Созмони пизишкони бидуни марз дар Афғонистон (MSF) рӯзи душанбе дар баёнияе аз афзоиши мавориди норасоии ғизои кӯдакон дар бештари вилоёти ин кишвар ибрози нигаронӣ кард.
Ин ниҳод идомаи хушксолӣ, камбуди маводи ғизоӣ, буҳрони иқтисодӣ ва адами як системаи коромади беҳдоштӣ дар Афғонистонро аз авомили умдаи афзоиши мавориди норасоии ғизои кӯдакон дар ин кишвар унвон кард.
Пеш аз ин Созмони Милали Муттаҳид гуфта буд, ки беш аз чаҳор даҳа низоъи маргбор ва офоти табиии мукаррар, сабаби тӯлонӣ шудани буҳрони маводи ғизоӣ дар Афғонистон шудааст.
Барномаи ҷаҳонии ғизои Созмони Милал 25 октябр ҳушдор дод, аз ҳудуди 40 миллион ҷамъияти Афғонистон, беш аз 50 дарсади ҷамъияти он бо гуруснагии шадид мувоҷеҳ ҳастанд.
Бештар бихонед:
- Миллионҳо афғон дар хатари гуруснагиву фақр
- Ҷон бохтани ҳашт кӯдаки афғон бар асари гуруснагӣ дар Кобул