Марзбонии Қирғизистон муҷаҳҳаз ба ҳавопаймои бесарнишин шуд
Бо дастури раиси ҷумҳурии Қирғизистон, ҳавопаймоҳои бидуни сарнишини Байрақдор вориди хадамоти марзии Кумитаи давлатии амнияти миллии ин кишвар шуд.
Ба гузориши “Форс”, Содир Ҷабборов, раиси ҷумҳурии Қирғизистон ахиран аз таҷҳизоти тозаворидшудаи ҳавопаймоҳои бидуни сарнишини Байрақдор ба хоки кишвар боздид кард.
Дар ин боздид ба раиси ҷумҳур дар мавриди системаи мудирияти ин дастгоҳҳо ва наҳваи коркарди таҷҳизот тавзеҳоте дода шуд.
Ин сомонаҳо ба таври комил аз буҷети миллӣ харидорӣ шуда ва барои таъмини амнияти кишвар ва ҳифозат аз марзҳои давлатӣ мавриди истифода қарор хоҳанд гирифт.
Ҳамчунин раиси ҷумҳурии ин кишвар эълом кард, ки Қирғизистон дар маҷмуъ 100 миллион доллар дар сол барои иртиқо ва таъмири таҷҳизоти низомӣ ихтисос додааст ва дар чорчӯби он ҳавопаймоҳои бидуни сарнишин аз Русия ва Туркия харидорӣ мешавад.
