Тақсимбандии маконҳои тафриҳи дар пойтахти Афғонистон

Ҳукумати Толибон ҳузури занон ва мардон дар маконҳои тафриҳии шаҳри Кобул пойтахти Афғонистонро тақсимбанди кард.

Бар асоси тақсимбандии минтақаҳои тафриҳии Кобул аз сӯи Толибон, ин минтақаҳо чаҳор рӯз дар ҳафта барои мардон ва се рӯз барои занон ихтисос ёфта аст.

Толибон пештар низ бо судури аҳком мухолифати худро бо рафтуомади занон дар масирҳои шаҳри ва байни шаҳри ва ҳамчунин таҳсили духтарон ҳамроҳи писарон дар донишгоҳҳо эълом карда буд.

Ба гузориши хабаргузории Садои Афғон (Ово) бар асоси тақсимбандии Вазорати амри ба маъруф ва наҳи аз мункари Толибон, ки имрӯз якшанбе расонаи шуд, рӯзҳои якшанбе, душанбе, сешанбе барои занон ихтисос дода шуд ва онҳо дар ин рӯзҳо метавонанд бо риъояти ҳиҷоб ба сайругашт бираванд ва бар ҳамин тартиб ин марказҳо рӯзҳои чаҳоршанбе, панҷшанбе, ҷумъа ва шанбе барои мардон ихтисос дода шуда аст.

Дар иттилоъияи Вазорати амри ба маъруф ва наҳи аз мункари Толибон омада аст, дар сурати тахаллуф аз мавридҳои эълом шуда бо моликон ва масъулони марказҳои тафриҳи бархурди қонунӣ сурат хоҳад гирифт.

Бештар бихонед:

• Таҳлил: Тағйири тақвими Афғонистон аз шамсӣ ба қамарӣ
• Толибон дар Қандаҳор монеъи фаъолияти хабарнигорони озод мешавад