Азми Эрон ва Русия барои рушди равобити иқтисодӣ дар сояи таҳримҳо

Сухангӯи Вазорати санъату маъдан ва тиҷорати Эрон аз оғози музокироти ҳайатҳои тиҷорӣ Русия дар Теҳрон хабар дод.

Умеди Қолибоф, сухангӯи Вазорати санъату маъдан ва тиҷорати Эрон рӯзи душанбе гуфт: 65 ширкати русӣ дар қолаби ҳайати 100 нафара музокироти худро аз имрӯз дар Теҳрон оғоз карданд.

Владимир Путин, раиси Ҷумҳурии Русия панҷшанбеи ҳафтаи гузашта дар дидор бо Сайид Иброҳими Раисӣ, раиси Ҷумҳурии Исломии Эрон дар ҳошияи иҷлоси сарони Созмони Ҳамкории Шанхай дар Узбакистон аз вуруди ин ҳайатҳои тиҷорӣ ба Теҳрон хабар дода буд.

Бар асоси барномарезии суратгирифта фаъолони иқтисодии Эрон дар муддати 3 рӯз ҳузури ҳайатҳои тиҷорӣ Русия дар Теҳрон дар маҷмуъ 750 ҷаласаи тиҷорӣ бо намояндагони ширкатҳои русӣ баргузор хоҳанд кард.

Фаъолияти ширкатҳои русӣ дар ин ҳайатҳои тиҷорӣ шомили саноати ғизоӣ ва кишоварзӣ (ғалот), ширини шоколот, таҷҳизоти саноати ғизоӣ ва кишоварзӣ, дору ва таҷҳизоти пизишкӣ, шиша ва булур, саноати филезот, системаҳои мухобироти ва родиои, энержи ва бозёфта аст.

Эрон ва Русия, ки аз мухолифони якҷонибагароӣ дар арсаҳои байналмиллалӣ ҳастанд ҳар кадом ба тартиб ба баҳонаҳои ҳамчун барномаи сулҳомези ҳастаӣ ва буҳрони Украина таҳти таҳримҳои иқтисодии ғарб ба вижа Амрико қарор доранд.

Ин мавзуъ ангезаи мақомоти ду кишварро барои таҳкими равобит ба вижа дар заминаҳои тиҷорӣ, иқтисодӣ, энержӣ, транзит ва ҳамчунин ҳамкориҳои чандҷониба ва минтақавӣ ҳамонанди Созмони Ҳамкории Шанхай ва БРИКС афзоиш дода аст.