Ҷон бохтани 6 узви як хонавода аз дуди ангиштсанг дар Тоҷикистон
Март 01, 2024 16:43 Asia/Dushanbe
-
Марги 6 нафар бар асари дуди ангишт
Шаш узви як хонавода дар шаҳри Душанбе – пойтахти Тоҷикистон бар асари заҳролудшавӣ аз дуди ангиштсанг ҷон бохтанд.
Ба гузориши сомонаи “Пресса”, ҳодиса шаби 27- уми феврал, дар кӯчаи Гранзаводи ноҳияи Фирдавсии пойтахти Тоҷикистон рух додаааст.
Ба иттилои Кумитаи ҳолатҳои фавқулодаи Тоҷикистон, шаш узви як хонавода: падар, модар ва 4 фарзанди онҳо бар асари заҳролудшавӣ аз дуди ғализи ангиштсанг ҷон бохтаанд.
Ҳамаи онҳо шаб заҳролуд шудаанд, вале ҳамсояҳо ҳудудан соати 11-и рӯзи 28-уми феврал аз ин фоҷеа огоҳ шудаанд.
